08.10.2026 | 23:18
Քննարկվել են ՀՀ-ի և Իրանի մաքսային մարմինների միջև նախնական էլեկտրոնային տվյալների փոխանակման համակարգի գործարկման քայլեր
Առաջին անգամ գերիները տեսահաղորդագրություն են փոխանցել ընտանիքներին․ Զառա Ամատունի
Հասարակություն
27.04.2021 | 18:20
Ադրբեջանում գտնվող գերիները Կարմիր խաչի միջազգային կոմիտեի միջոցով տեսահաղորդագրություն են փոխանցել իրենց ընտանիքներին: Հարազատների հետ կապի այս միջոցն առաջին անգամ է գործարկվել: Այդ մասին Factor TV-ին փոխանցեց Հայաստանում Կարմիր խաչի միջազգային կոմիտեի հաղորդակցման ծրագրերի ղեկավար Զառա Ամատունին։
Նա նշեց, որ Ադրբեջանում պահվող հայերին հնարավորություն է ընձեռվել նաև հեռախոսով կապ հաստատել հարազատների հետ, իսկ տեսագրությունները կատարվել են վերջին հանդիպումների ընթացքում և արդեն փոխանցվել ընտանիքներին։
Զառա Ամատունու խոսքով՝ հարազատների հետ կապ հաստատելու հնարավորություն տրվել է այն անձանց, որոնց Կարմիր խաչի Բաքվի գրասենյակից պարբերաբար այցելում են և որոնց գերության փաստն Ադրբեջանը հաստատել է: Ամատունին նշում է, որ առաջիկայում, հնարավորության դեպքում, նախատեսում են, որ նման հաղորդագրություններով նաև հարազատները կիսվեն Ադրբեջանում պահվող անձանց հետ:
Իրինա Մկրտչյան
