05.01.2025 | 21:53
Մատուցվեց Սուրբ ծննդյան ճրագալույցի պատարագ․ ԼՈՒՍԱՆԿԱՐՆԵՐ
Նախագահ Արմեն Սարգսյանի երկքաղաքացիության հարցով քրեական գործի հարուցումը մերժվել է
Հասարակություն
19.04.2021 | 16:44
ՀՀ նախագահ Արմեն Սարգսյանի՝ երկքաղաքացիության հարցով քրեական գործի հարուցումը Հատուկ քննչական ծառայությունը մերժել է։ Այդ հարցով դիմել էին 53 փաստաբաններ։ Փաստաբանների պալատի նախագահ Արա Զոհրաբյանը Factor.am-ին ասաց, որ սպասում են քննիչի կողմից հավաքված նյութերը ստանալուն, որպեսզի այս որոշումը վերադասության կարգով բողոքարկեն ՀՀ Գլխավոր դատախազությունում, իսկ եթե այս կառույցն էլ մերժի գործ հարուցել, ապա արդեն կգնան դատական ճանապարհով։
ՀՔԾ-ն քրեական գործի հարուցումը մերժել է՝ հանցակազմի բացակայության հիմքով։
Հավելենք, որ նախագահի կողմից Օնիկ Գասպարյանին պաշտոնանկ անելու՝ վարչապետի առաջարկը չստորագրելուց, բայց և ՍԴ չդիմելուց հետո 53 փաստաբաններ հանցագործության մասին հաղորդում էին ներկայացրել նախագահ Արմեն Սարգսյանի երկքաղաքացիության փաստը թաքցնելու վերաբերյալ։ Նրանք պնդում են, որ ՀՀ նախագահ Արմեն Սարգսյանն առնվազն 10 տարի Միացյալ Թագավորության քաղաքացիություն է ունեցել (2003-2012 թթ.), իսկ ՀՀ նախագահ է ընտրվել 2018 թվականին: Այս պարագայում չի ապահովվել վերջին վեց տարում միայն ՀՀ քաղաքացի լինելու պահանջը:
Լիլիթ Շաբոյան
