05.06.2026 | 02:00
ՌԴ-ից մարդկանց ստիպելով բերում են իրենց օգտին քվեարկելու․ Փաշինյանը՝ «Ուժեղ Հայաստանի» մասին․ ՏԵՍՆՅՈՒԹ
Սուտ եք ասում, Նիկոլ Փաշինյանին վարչապետ չենք ընտրել. Գորգիսյանը՝ 2018-ի մայիսի 8-ի մասին. ՏԵՍԱՆՅՈՒԹ
19.04.2021 | 11:27
Դատական համակարգում հողմաղացների դեմ են պայքարում: Հերթական անիմաստ էներգիայի վատնումն է, որովհետև ինչ եկել են, իշխանություն են փոխում: Այս մասին Աժ-ում լրագրողների հետ զրույցում նշեց ԱԺ «Լուսավոր Հայաստան» խմբակցության քարտուղար Գևորգ Գորգիսյանը՝ անդրադառնալով նրան, որ ԲԴԽ նախագահ Ռուբեն Վարդազարյանի դեմ քրեական գործ է հարուցվել և նրա լիզորությունները կասեցվել են:
«Արդյունքում ստանում ենք այն, ինչ չէին ուզում ստանալ: Այսինքն ԲԴԽ-ն իրենց նշանակած անդամներով անում է այն, ինչ իրենք չէին ուզում, ՍԴ-ն որոշում է կայացնում, որը չկայացնելու համար իրենք ՍԴ-ի հետևից էին ընկել: Սա աբսուրդի կոմեդիա է հիշեցնում: Ես խոստանում եմ, որ հուլիսի ամսից՝ իշխանափոխությունից հետո, մենք կզբաղվենք միայն կառուցմամբ: Հերիք է այս քանդման ու բաժանման պրոցեսը»,- նշեց պատգամավորը:
Հարցին, թե Ռուբեն Վարդազարյանի շուրջ տեղի ունեցողը քաղաքական հետապնդո՞ւմ է, ԼՀԿ-ական պատգամավորը հստակ պատասխան չտվեց, որ չի կարող գնահատական տալ, որովհետև ծանոթ չէ քրգործի նյութերին. «Նրա աշխատանքը ես իրավունք չունեմ գնահատել, որովհետև դատական համակարգը իշխանության այլ ճյուղ է»:
Գորգիսյանն ընդգծեց, որ ցանկացած բան կարելի է քանդել, հետո փորձել արդարացնել. «Հիմա եթե անհասկանալի մեխանիզմներով ԲԴԽ կազմը փոխում են, Սահմանադրությունը խախտելով փորձում են ՍԴ կազմը փոխել, հետո այդ ամենը դուրս է գալիս իրենց դեմ, հիմա էլ ավելի անհեթեթ քայլեր են անում արդարացնելու իրենց քայլերը, աբսուրդ է դա: Էս մարդիկ ո՛չ պետությունն են հասկանում, ո՛չ իշխանության ճյուղերը,ոչ դրանց միմյնաց փոխզսպելու իմաստը:
Իրենք ուզում են լինի մի հատ Նիկոլ Փաշինյան, ասի՝ գյադե՛ք, էս ղոլ անցեք, գյադեք, էն ղոլ անցեք: Չի կարելի… Եթե այս մարդիկ շարունակեն մնալ իշխանության, մենք պետականությունը կկորցնենք»:
Հիշեցմանը, որ 2018-ի մայիսին նաև իրենք են Նիկոլ Փաշինյանին ընտրել վարչապետ, Գորգիսյանն արձագանքեց. «Մենք իրեն չենք ընտրել վարչապետ: Սուտ եք ասում»:
Հիշեցնենք, որ 2018-ի մայիսի 8-ին ԱԺ-ում «Ելք» խմբակցության անդամները, որոնց թվում էին նաև «Լուսավոր Հայաստանի» անդամները, կողմ են քվեարկել Փաշինյանի վարչապետ ընտրելու քվեարկության ժամանակ:
Մանրամասները՝ տեսանյութում:
