07.10.2026 | 23:48
Արթուր Դանիելյանը կալանավորվեց
Հայհոյանքը տուգանելու նախագիծը նախորդ ռեպրեսիվ նախաձեռնությունների շարունակությունն է․ Աշոտ Մելիքյան. ՏԵՍԱՆՅՈՒԹ
Հասարակություն
13.04.2021 | 17:08
Կարևոր է, որ այս ամենը չօգտագործվի ընդդեմ ազատ խոսքի և ԶԼՄ-ների գործունեության, մինչդեռ այս նախաձեռնության տրամաբանությունը ցույց է տալիս, որ օրինագիծն այլ ուղղությամբ է գնալու. այս մասին այսօր՝ «Հրապարակային հայհոյանքի, անպարկեշտ վիրավորանքի համար կսահմանվի տուգանք. դատախազության նոր նախաձեռնությունը» թեմայով քննարկմանը նշեց Խոսքի ազատության պաշտպանության կոմիտեի նախագահ Աշոտ Մելիքյանը։
«Ինձ մոտ մտահոգություն է առաջացնում այն, որ հայհոյանքից բացի, նշվում է նաև «վիրավորանք» բառը։ Այստեղ հարց է առաջացնում՝ ո՞նց են տարբերելու հայհոյանքը վիրավորանքից և արդյոք հայհոյանքն, իր էությամբ, վիրավորանք չէ։ Ավելի քան համոզված եմ, որ եթե Երևանի կենտրոնում որևէ մեկը հայհոյանք է հնչեցնում, ապա այդ պարագայում իրավապահները որոշակի գործիքակազմ ունեն, որ այդ արարքը իրավական դաշտում գնահատեն։ Հենց այստեղից էլ, կարծում եմ, տրամաբանությունը բերում է նրան, որ առաջին հերթին դա ուղղված է ԶԼՄ-ներում և այլ հրապարակային հարթակներում վիրավորանքի համար պատիժ սահմանելուն։ Ըստ իս՝ այս օրենքի նախագիծը տրամաբանական շարունակությունն է այն մի շարք ռեպրեսիվ նախաձեռնությունների, որոնցով իսկապես սահմանափակվում է լրագրողների, ԶԼՄ-ների գործունեությունը»,- նշեց Աշոտ Մելիքյանը։
Մանրամասները՝ տեսանյութում։
Նելլի Մելքոնյան
