22.02.2026 | 00:10
Արթուր Ավետիսյանը՝ աշխարհի գավաթի հաղթող, Մամիկոն Խաչատրյանը՝ արծաթե մեդալակիր
Գևորգ Լոռեցյանի գործը չկարճվեց. կողմերը կշարունակեն ուսումնասիրել ապացույցները
Հասարակություն
08.04.2021 | 18:14
Երևանի ընդհանուր իրավասության դատարանում, դատավոր Արտուշ Գաբրիելյանի նախագահությամբ, այսօր շարունակվում է ԿԳՄՍ նախկին փոխնախարար Գևորգ Լոռեցյանի և մյուսների գործով դատական նիստը։
Նիստի մեկնարկին ամբաստանյալներից Էդուարդ Հովհաննիսյանի պաշտպանը հայտնեց դատարանին, որ իր պաշտպանյալը ցանկանում է ցուցմունք տալ, սակայն դատախազն առարկեց՝ նշելով, որ այժմ ապացույցների ուսումնասիրման փուլում են։ Դատավորը բավարարեց միջնորդությունը՝ միաժամանակ նշելով, որ թույլատրում է Հովհաննիսյանին ցուցմունք տալ, սակայն ամեն ապացույց հետազոտելուց հետո։
Այնուհետև պաշտպան Ալեքսան Թումասյանը դատարանից պահանջեց Քրեական օրենսգրքի 311-րդ հոդվածով (կաշառք ստանալը) գործը կարճել և ամբաստանյալներ Էդուարդ Հովհաննիսյանի և Գևորգ Լոռեցյանի նկատմամբ քրեական հետապնդումները դադարեցնել հանցակազմի բացակայության հիմքով:
Մեղադրող Դավիթ Սարգսյանն առարկեց միջնորդության դեմ՝ ասելով, որ այն անհիմն է և ենթակա է մերժման։
Դատարանը հեռացավ խորհրդակցական սենյակ՝ որոշում կայացնելու։
Խորհրդակցական սենյակից վերադառնալով՝ դատարանը հայտնեց, որ մերժել է միջնորդությունը:
Նշենք, որ ամբաստանյալի կարգավիճակում են 3 անձինք։
Ըստ մեղադրական եզրակացության՝ Գևորգ Լոռեցյանը 2019թ․ հունիսի 4-ից լինելով գործադիր իշխանության ղեկավար պաշտոնատար անձ, «Լուառ» և «Էլիտ Սպրտ» առևտրային կազմակերպությունների սեփականատեր և գործադիր տնօրեն Հրաչիկ Քանանյանից պահանջել է 2 միլիոն ՀՀ դրամ կաշառք իր կողմից ընդհանուր հովանավորչության, վերջինիս ներկայացրած առևտրային կազմակերպությունների կողմից ԿԳՄՍ նախարարության կազմակերպած գնման գործընթացներին մասնակցության ու դրանցում հաղթելու դեպքում մատակարարվող ապրանքներն ընդունելիս խոչընդոտներ չստեղծելու և հնարավոր խնդիրներից զերծ պահելու համար։
Լիլիթ Շաբոյան
