15.12.2025 | 14:12
Թմրանյութ օգտագործած վարորդներին կբացահայտեն տեխնիկական սարքերի միջոցով. նոր նախագիծ
Համաշխարհային գերտերությունները կքննարկեն Իրանի միջուկային գործարքին ԱՄՆ-ի վերադարձի հարցը
Քաղաքականություն
02.04.2021 | 18:41
Համաշխարհային գերտերությունները և Իրանը այսօր կհանդիպեն տեսակոնֆերանսի ձևաչափով՝ քննարկելու Միացյալ Նահանգների հնարավոր վերադարձը Իրանի միջուկային գործարքին, գրում է France 24-ը:
Ըստ ԵՄ հայտարարության՝ այսօր կայանալիք հանդիպմանը կմասնակցեն Չինաստանի, Ֆրանսիայի, Գերմանիայի, Ռուսաստանի, Միացյալ Թագավորության և Իրանի ներկայացուցիչները։
«Մասնակիցները կքննարկեն Իրանի միջուկային գործարքին Միացյալ Նահանգների հնարավոր վերադարձի հեռանկարը և բոլոր կողմերի կողմից համաձայնագրի լիարժեք և արդյունավետ իրականացումը ապահովելու եղանակները»,- ասված է հայտարարության մեջ:
ԱՄՆ պետքարտուղարության խոսնակ Նեդ Փրայսը լրագրողներին ասել է, որ «ԱՄՆ-ն ողջունում է սա՝ որպես դրական քայլ»: «Մենք պատրաստ ենք հետամուտ լինել Իրանի միջուկային ծրագրի շուրջ ձեռք բերված մեր պարտավորությունների կատարմանը, եթե դա անի նաև Իրանը»,- հայտարարել է Փրայսը:
Տաթև Ֆռանգյան
