29.04.2024 | 18:48
Առաջարկվում է բարեփոխել մեդիաոլորտը կարգավորող օրենսդրությունը
Երկրորդ փուլում բացահայտ անցկացվեց Արամ Մանուկյանի արձանի՝ Դավիթ Մինասյանի տարբերակը
Մշակույթ
07.02.2018 | 14:02
Դավիթ Մինասյանին շատ լավ եմ վերաբերվում մարդկայնորեն, ու նա շատ հաջող քանդակներ ունի, սակայն երկրորդ փուլում բացահայտ անցկացվեց Արամ Մանուկյանի արձանի՝ Դավիթ Մինասյանի տարբերակը. այսօր լրագրողների հետ հանդիպմանը նման տեսակետ հայտնեց ճարտարապետների թանգարանի տնօրեն Անուշ Տեր-Մանասյանը:
«Երկրորդ փուլում հայտնի դարձավ, որ նոր մասնակիցներ են ընդգրկելու, ինչպե՞ս կարելի էր: Դավիթ Մինասյանի աշխատանքը չունի դիմաքանդակ, պլաստիկան շատ վատն է, կոնստրուկտիվ տեսակետից շատ ծանր է, ես այդ ամենն ասացի ու բոլորն ընդունեցին, որ սխալ բաներ կան, բայց…»,- ասաց նա:
Իսկ ասուլիսի մյուս բանախոս Հովհաննես Թումանյանի տուն-թանգարանի տնօրեն Նարինե Թուխիկյանը նկատեց, որ այս իրավիճակը համահունչ է մեր իրականությանը։
«Արամ Մանուկյանի՝ նման արձանի ընտրության մեջ կա կոռուպցիա, քանի որ մրցույթի առաջին փուլում Դավիթ Մինասյանի այս գործն ընդգրկված չի եղել և երկրորդ փուլում հանկարծակի է հայտնվել։ Ու մեր իրականության հոռի բարքերը փաստորեն հայտնվել են նաև հայկական մշակույթի մեջ»,- ասաց նա:
Մանրամասները՝ տեսանյութում:
