15.12.2025 | 18:01
Զինվորին, ըստ ՔԿ-ի, ինքնասպանության են հասցրել // ԱՄՆ-ն ցանկանում է` Կիևը զիջի արևելյան Դոնբասը
Համացանցում նոր խաբեություն է տարածվել, որով տիրանում են օգտատերերի էլ. փոստի հասցեին. ԱՊԳՀ
Հասարակություն
24.03.2021 | 15:16
Անձնական տվյալների պաշտպանության գործակալությունը հաղորդագրություն է տարածել, որով տեղեկացնում է, որ համացանցում նոր խաբեություն է տարածվել, որի միջոցով կեղծիքի են դիմում ու տիրանում օգտատերերի էլ. փոստի հասցեին:
«Ուշադրություն
Հարգելի քաղաքացիներ, համացանցում նոր խաբեություն է տարածվում, որի միջոցով կեղծիքի են դիմում ու տիրանում օգտատերերի էլ. փոստի հասցեին, այնուհետև առցանց պահվող նկարները հրապարակում են սոցիալական ցանցերում։
Կեղծարարաները օնլայն աշխատանք են առաջարկում ու ինչ-որ կարգավորում անելու պատրվակով վերցնում են «զոհի» էլ. փոստի հասցեն ու գաղտնաբառը, իսկ դրանց մուտք ունենալով հասանելություն են ստանում նկարներին։
Նրանք կարող են անձնական բնույթի նկարները չհրապարակելու դիմաց գումար փորձել կորզել։
✅Ոչ մի դեպքում մի տրամադրեք ձեր գաղտնաբառը այլ մարդկանց
✅Օգտագործեք բարդ գաղտնաբառ
✅Միևնույն գաղտնաբառը մի օգտագործեք մեկից ավելի հարթակներում
✅Միացրեք երկփուլային վավերացում ֆունկցիան, որը պաշտպանում է ձեր հաշիվը, եթե անգամ գաղտնաբառը հայտնվի մեկ այլ մարդու մոտ։
✅Կասկածով մոտեցեք բոլոր այն առաջարկներին, որոնք ենթադրում են հեշտ ճանապարհով գումար վաստակել»։
