07.06.2026 | 11:02
Արման Թաթոյանը քվեարկում է ԱԺ ընտրություններում. ՈՒՂԻՂ
Արցախի ՔԿ-ն՝ Կարմիր Շուկայի տարածքում հրկիզված բնակչի մարմնի հայտնաբերման մասին
21.03.2021 | 18:57
Սույն թվականի մարտի 21-ին ժամը 12-ի սահմաններում ԱՀ Մարտունու շրջանի Կարմիր Շուկա համայնքի վարչական տարածքում հայտնաբերվել է նույն համայնքի 1973թ ծնված բնակչի դին՝ հրկիզված վիճակում։ Այս մասին հայտնում են Արցախի քննչական կոմիտեից։
Դեպքի վայր է մեկնել ԱՀ քննչական կոմիտեի տարածքային քննչական վարչության երկրորդ քննչական բաժնի ավագ քննիչը։
ԱՀ քրեական օրենսգրքի 109-րդ հոդվածի 1-ին մասով հարուցված քրեական գործի շրջանակներում իրականացվում են անհետաձգելի դատավարական և քննչական գործողություններ դեպքի բոլոր հանգամանքները պարզելու ուղղությամբ։
Նախաքննությունը շարունակվում է։
Ինչպես արդեն հայտնել էինք, Արցախում քաղաքացի էր կորել։ Արցախի ոստիկանությունից տեղեկացնում են, որ նա հայտնաբերվել է հրկիզված վիճակում։ ԱՀ ՆԳ նախարարության ոստիկանության Մարտունու շրջանային բաժնի ծառայողների ձեռնարկած օպերատիվ միջոցառումների և որոնումների շնորհիվ, քիչ առաջ Մարտունու շրջանի Կարմիր Շուկա համայնքի վարչական տարածքում հայտնաբերվել է նույն համայնքի 48-ամյա բնակիչ Վրեժ Պ․-ի դիակը՝ հրկիզված վիճակում: Ինչպես նախապես հայտնել էինք, Վրեժ Պողոսյանը երեկ երեկոյան ժամը 23:00-ի սահմաններում դուրս էր եկել տնից և չէր վերադարձել:
