06.08.2026 | 11:28
Արմեն Փամբուխչյանը ԵԱՍՄ հիմնարկի աշխատակազմին է ներկայացրել նոր ղեկավարին
Այս պահի դրությամբ պաշտոնապես հաստատված 3․250 զոհ ունենք. Փաշինյան
20.03.2021 | 18:11
Այսօրվա դրությամբ՝ հայկական կողմը պաշտոնապես հաստատված 3․250 զոհ ունի: Այս մասին այսօր Արագածոտնի մարզի Նոր Եդեսիա համայնքի բնակիչների հետ հանդիպման ժամանակ ասել է վարչապետ Նիկոլ Փաշինյանը:
«Այսօրվա դրությամբ հայկական կողմը պաշտոնապես հաստատված 3․250 զոհ ունի: Մենք այսօրվա դրությամբ ունենք 189 ծնող, ովքեր ԴՆԹ նմուշ են հանձնել և սպասում են պատասխանի: Այո, մենք ունենք անհետ կորածների բավականին մեծ ցուցակ, բայց այդ ցուցակը պետք է ճշգրտվի, որովհետև անհետ կորածների ցուցակից վերջին ամիսներին 10 մարդ հայտնաբերվել են ամենատարբեր հանգամանքներում, նույնիսկ՝ «Զվարթնոց» օդանավակայանում Հայաստանից մեկնելու փորձի ժամանակ»,- ասել է Փաշինյանը:
Նրա խոսքով՝ հայկական կողմն առանց այդ էլ շատ զոհեր է ունեցել, պետք չէ քաղաքական շահարկման նպատակով այդ զոհերի թիվը եռապատկել, քառապատկել:
«Եթե ինչ-որ նոր հանգամանք չբացվի, ինչը շատ քիչ հավանական է, որ կբացվի, մեր զոհերի թիվը 4․000-ից չի անցնի: Սա էլ շատ մեծ թիվ է, բայց ինչի՞ համար են զոհվել մեր տղաները, զոհվել են, որ Արցախն այսօր լինի»,- նշել է նա:
