04.06.2026 | 16:48
Հայաստանի հրաշալի ծաղիկները Լատվիա և Նիդերլանդներ արտահանելու հարցն է այսօր քննարկվել․ Վասիլիս Մարագոս․ ՏԵՍԱՆՅՈւԹ
Ադրբեջանը խախտում է հրադադարի համաձայնագիրը՝ ազատ չարձակելով բոլոր հայ ռազմագերիներին. ԱՄՆ կոնգրեսական Բրեդ Շերման
Քաղաքականություն
18.03.2021 | 13:26
ԱՄՆ կոնգրեսական Բրեդ Շերմանը հայտնել է, որ Ադրբեջանում պահվող հայ ռազմագերիների թեմայով խոսել է ԱՄՆ պետքարտուղար Էնթոնի Բլինքենի՝ եվրոպական և եվրասիական հարցերով օգնական Ֆիլիպ Ռիքերի հետ: Այս մասին վերջինս տեղեկացրել է Facebook սոցկայքի իր էջում։
«Ադրբեջանը խախտում է հրադադարի համաձայնագիրը՝ ազատ չարձակելով բոլոր հայ ռազմագերիներին: Ուրախ եմ տեղեկանալ, որ ԱՄՆ պետդեպարտամենտը բազմիցս բովանդակալից բանակցություններ է վարել Բաքվի հետ՝ կոչ անելով ազատ արձակել գերիներին: ԱՄՆ իշխանությունների ջանքերի շնորհիվ Բաքուն թույլատրել է ԿԽՄԿ-ի գործունեությունը»,- գրել է ամերիկացի կոնգրեսականը:
Բրեդ Շերմանը նաև նշել է, որ կշարունակի ԱՄՆ պետքարտուղարության հետ հայ ռազմագերիների ազատ արձակման հարցով աշխատանքները:
