15.12.2025 | 21:13
Ալիևը համաներում է նախաձեռնում. այն կվերաբերի ավելի քան 20,000 մարդու
Ռուբեն Վարդանյանն ակնարկում է, որ Հայաստանը մարդասիրական երկիր չէ՞
Հասարակություն
24.04.2017 | 16:27
«Ավրորա» մրցանակաբաշխության համահիմնադիրներ Ռուբեն Վարդանյանը և Նուբար Աֆեյանն ապրիլի 24-ին կայացած լրագրողների հետ հանդիպման ժամանակ ներկայացրել նե 2017 -ին մրցանակի 5 հավակնորդների անունները: Նրանք են՝ մայր և դուստր Ֆարթուն Ադանը և Իլվադ Էլմանը, Ջամիլիա Աֆղանին, որը զբաղվում է Աֆղանստանում կանանց իրավունքների պաշտպանությամբ, սիրիացի 26-ամյա բժիշկ Մահումմադ Դարվիշը, Կոնգոյից Դենիս Մուքվեբեն և Թոմ Կատինան՝ ամերիկացի բժիշկ, որը Սուդանում է աշխատում:
Նուբար Աֆեյանը խոսելով մրցանակի նպատակի մասին, ասել է որ հայերը 100 տարի առաջ հնարավորություն չունեին իրենց շնորհակալությունը հայտնելու այն մարդկանց, ովքեր օգնության ձեռք են մեկնել իրենց. «Բայց հարյուր տարի հետո մենք՝ նրանց թոռները, ունենք այդ հնարավորությունը, որ շնորհակալություն հայտնենք նրանց, ովքեր օգնում են կարիքավորներին: Շարունակելու ենք տարեց տարի դարձնել սա հայերի գաղափարախոսության մի մասը»:
Իսկ հարցին՝ ինչո՞ւ է Հայաստանը ներկայացվում որպես մարդասիրական երկիր, երբ Հայաստանում ամեն օր ոտնահարվում են մարդու իրավունքները, Ռուբեն Վարդանյանը պատասխանել է. «Իմ քաշը շատ է, բայց դա չի նշանակում, որ ես սպորտի մասին իրավունք չունեմ խոսելու: Մենք մի քիչ սխալվում ենք, մենք երազանքի մեջ ենք ապրում, որ մեր երկիրը էլդորադո պիտի լինի, 800 տարի չենք ունեցել երկիր, բայց մեզ թվում է, որ ամեն ինչ պիտի իդեալական լինի: Ոչ մի երկիր չկա, որ մարդու իրավունքների հարցը չխախտվի: Մարդիկ չգիտեն՝ ինչ է կատարվում աշխարհում, մենք՝ հայերս, մենակ մեր մասին ենք մտածում, բայց մեր մոտեցումը փոխել է պետք»:
