27.11.2024 | 22:49
Երևանի քաղաքապետն այցելել է Լոս Անջելեսի տրանսպորտի կառավարման կենտրոն
Ուկրաինայի հայերը հարգել են Սումգայիթի ջարդերի զոհերի հիշատակը
Քաղաքականություն
28.02.2021 | 21:35
Ուկրաինայում պատարագ է մատուցվել Սումգայիթի ջարդերի 33-րդ տարելիցի կապակցությամբ: Փերտվարի 28-ին Ուկրաինայի հայկական եկեղեցիներում Սումգայիթի ջարդերի հայ զոհերի հիշատակին նվիրված ծառայություն է մատուցվել, հաղորդում է «Արմենպրես»-ը՝ վկայակոչելով AnalitikaUA.net-ը:
Կիեւում Պատարագ է մատուցվել Սրբոց Նահատակաց եկեղեցում, որն իրականացրել է Հայ Առաքելական եկեղեցու Ուկրաինայի պատրիարքարանի ղեկավար, Մարկոս եպիսկոպոս Հովհաննիսյանը:
Պատարագին մասնակցել են Ուկրաինայի Հայերի միության, Կիեւի համայնքի ներկայացուցիչները, Ուկրաինայի մայրաքաղաքից եւ մերձակա շրջաններից Հայ Առաքելական եկեղեցու հետեւորդները:
Ըստ աղբյուրի՝ Ուկրաինայի տարբեր տարածաշրջաններում հայ համայնքի ներկայացուցիչներն ամեն տարի անցկացնում են տարատեսակ միջոցառումներ՝ նվիրված Սումգայիթի ողբերգության զոհերի հիշատակին:
