03.05.2024 | 23:30
Ինչու Էրդողանի Սպիտակ տուն այցը հիմա տեղի չի ունենա. անդրադարձ
Նախագահն Օնիկ Գասպարյանին պաշտոնից ազատելու առաջարկն առարկություններով հետ չի ուղարկել․ պաշտոնական
Քաղաքականություն
26.02.2021 | 16:50
Մամուլում տարածված տեղեկությունը, թե ՀՀ նախագահ Արմեն Սարգսյանը Օնիկ Գասպարյանին պաշտոնից ազատելու առաջարկն իր առարկություններով հետ է վերադարձրել, չի համապատասխանում իրականությանը: Factor.am-ի հետ զրույցում այս մասին ասաց ՀՀ նախագահի օգնական Հասմիկ Պետրոսյանը։
«Նախագահը եռօրյա ժամկետում կհայտնի իր դիրքորոշումը»,- նշեց Պետրոսյանը։
Նշենք, որ եթե նախագահը դիրքորոշում չհայտնի, ապա, ըստ օրենքի, վարչապետի առաջարկը կմտնի ուժի մեջ։
Իսկ եթե առարկություններով հետ ուղարկի, «Զինծառայության և զինծառայողների մասին» օրենքի համաձայն՝ նախագահի առարկությունները ստանալուց հետո վարչապետը 5 օրվա ընթացքում կա՛մ պետք է առարկություններն ընդունի, կա՛մ կրկին հետ ուղարկի առաջարկը նախագահին։ Դրանից հետո միայն նախագահը 3 օրվա ընթացքում իրավունք ունի դիմելու Սահմանադրական դատարան, իսկ ՍԴ-ն իր հերթին պետք է 10 օրվա ընթացքում որոշում կայացնի՝ արդյո՞ք Օնիկ Գասպարյանի ազատման որոշումը համապատասխանում է Սահմանադրության նորմերին, թե՞ ոչ։
Լիլիթ Շաբոյան
