08.10.2026 | 23:18
Քննարկվել են ՀՀ-ի և Իրանի մաքսային մարմինների միջև նախնական էլեկտրոնային տվյալների փոխանակման համակարգի գործարկման քայլեր
Ռոբերտ Քոչարյանի և մյուսների գործով նիստն ընդմիջվեց
Հասարակություն
23.02.2021 | 13:43
Սահմանադրական կարգի ենթադրյալ տապալման գործով այսօրվա նիստն ընդմիջվեց սկսվելուց անմիջապես հետո։
Հայտարարված 20 րոպեանոց ընդմիջման ընթացքում դատարանը պետք է պարզի նախկին փոխվարչապետ Արմեն Գևորգյանի պաշտպան Էրիկ Ալեքսանյանի բացակայության պատճառները և նրա՝ նիստին ներկայանալու հնարավորությունը։
Դատական նիստից առաջ դատարանն ստացել է Էրիկ Ալեքսանյանի միջնորդությունը նիստը հետաձգելու վերաբերյալ, քանի որ պետք է ներկա գտնվի Վերաքննիչ քրեական դատարանում քննվող մեկ այլ գործով այսօր նշանակված նիստին։
Դանիբեկյանը նաև նշեց, որ դատարանի աշխատակազմը Վերաքննիչ դատարանից տեղեկացել է, որ տվյալ գործով նիստը սկսվելուց անմիջապես հետո հետաձգվել է, որպես հետաձգման պատճառ նշված է «այլ հիմք»։
Հավելենք, որ Վերաքննիչ դատարանում Էրիկ Ալեքսանյանի նշած գործը վերաբերում էր դատավոր Աննա Դանիբեկյանի կողմից բժշկական գաղտնիք համարվող տեղեկությունը հրապարակելու փաստի առթիվ քրեական գործ հարուցելը մերժելու մասին Առաջին ատյանի դատարանի որոշումը վերանայելուն:
