22.02.2026 | 11:08
Լվովում ահաբեկչություն է տեղի ունեցել․ առևտրի կենտրոնի մոտ ինքնաշեն սարք է պայթել, ոստիկան է զոհվել
Ստեփանակերտին մոտ անտառային հատվածներում 2 հրդեհ է բռնկվել
12.02.2021 | 14:51
ԱՀ ՆԳՆ ԱԻ պետական ծառայության 911 ահազանգման կենտրոնում այսօր գրանցվել է հրդեհի մասին 2 դեպք, որը բռնկվել է Ստեփանակերտին մոտ անտառային հատվածներում՝ քաղաքացիների անզգուշության պատճառով:
Դեպքերի վայր են մեկնել փրկարար ուժերի վարչության հրշեջ փրկարարական երկու մարտական հաշվարկ և կանխարգելիչ տեխնիկական միջոցներով մարել կրակը:
Վնասի մակերեսը ճշտվում է:
Տուժածներ չկան:
Արտակարգ իրավիճակների պետական ծառայությունը հորդորում և զգուշացնում է.
«Հարգելի հայրենակիցներ.
Եղանակի տաքացման հետ կապված Արցախում ավելացել են հրդեհների բռնկման դեպքերը: Հնարավոր վտանգավոր երևույթների կանխարգելման նպատակով՝ անկախ եղանակային պայմաններից զերծ մնացեք անտառածածկ կամ խոտածածկ տարածքներում կրակ վառելուց, ցուցաբերեք զգուշություն և փորձեք նվազեցնել աղետների ռիսկերը»:
