08.10.2026 | 23:18
Քննարկվել են ՀՀ-ի և Իրանի մաքսային մարմինների միջև նախնական էլեկտրոնային տվյալների փոխանակման համակարգի գործարկման քայլեր
Այս 3 օրերին Հայաստանից մեկնել է 3900 մարդ, եկել՝ 3400-ը. Մհեր Գրիգորյանը թվեր ներկայացրեց. ՏԵՍԱՆՅՈՒԹ
Հասարակություն
04.02.2021 | 12:21
Կառավարության այսօրվա նիստում վարչապետ Նիկոլ Փաշինյանն արձանագրեց, որ «Ճամփորդիր առանց covid 19-ի» ծրագիրը մեկնարկել է հաջողությամբ: Նիկոլ Փաշինյանի խոսքով՝ նաև Հայաստան վերադարձողների թիվն է շատ մեծ, ինչը, ըստ նրա, նույնպես կարևոր տնտեսական գործոն է։
Փաշինյանը փոխվարչապետ Մհեր Գրիգորյանից հետաքրքրվեց, թե ի՞նչ արդյունքներ կան փետրվարի 1-ից գործարկված «Ճամփորդիր առանց covid 19-ի» ծրագրի հետ կապված։
Փոխվարչապետ Մհեր Գրիգորյանը նշեց, որ փետրվարի 15-ից ունենալու ենք օրական 4 կանոնավոր չվերթներ դեպի Ռուսաստան և հակառակ ուղղությամբ։
Փետրվարի 1-ից մեկնողների և վերադարձողների թվի վերաբերյալ Մհեր Գրիգորյանը հստակ վիճակագրություն ներկայացրեց․
«Այս երեք օրվա ընթացքում Հայստանից օդային ուղիներով մեկնել է 3900 մարդ, վերադարձել է 3400 մարդ, հայկական անձնագրով մեկնածների թիվը 1423 է, հայկական անձնագրով Հայաստան ժամանածների թիվը՝ 1263 քաղաքացի։ Կարող ենք վստահ ասել՝ հավելվածը լիարժեք աշխատում է։ 7 քաղաքացիների դեպքում առաջացած խնդիրը հավելվածի հետ կապ չունի, ըստ նախնական տեղեկությունների՝ ռուս սահմանապահների մոտ կասկածներ է առաջացրել թղթային «QR» կոդը»,-նշեց գրիգորյանը։
Մանրամասները՝ տեսանյութում:
