17.12.2025 | 13:25
FIFA The Best. Մեսիի ընտրությունը, Ռոնալդուն դարձյալ չի քվեարկել
Արցախյան պատերազմին վերապրեցի 8 տարի տեսածս․ Բալիկի պայքարը՝ Սիրիայից Հայաստան. ՏԵՍԱՆՅՈՒԹ
Հասարակություն
27.01.2021 | 20:47
Բալիկ Սարգսյանը Հայաստան փոխադրվելու մասին որոշում կայացրեց 2019 թվականի մարտին, երբ Սիրիայում պատերազմն ավարտվել էր։ Հունիսին արդեն հոր հետ Հայաստանում էր։
Սկզբում եկել էր 2 ամսով, բայց արդեն մոտ 2 տարի է՝ Հայաստանում է։
Հայրն էլ Բալիկի հետ մնացել է Հայաստանում՝ Սիրիայում թողնելով կնոջն ու մյուս դստերը, նաև՝ աշխատանքը։ Մեքենաների շարժիչների նորոգման վարպետ է, այստեղ, սակայն, դեռ գործ չի գտել։ Իսկ Բալիկն աշխատանք գտել է՝ մասնագիտությամբ․ ոչ միայն գիտելիքների, այլև համառության շնորհիվ։
Աշխատանքը շինարարական ընկերությունում է։ Գործընկերների մի մասը վարակվել է կորոնավիրուսով, բայց կանոններին խստորեն հետևելու արդյունքում Բալիկի մոտ վիրուսը չի ախտորոշվել։
Համավարակի ընթացքում տևական ժամանակ աշխատել է տանից՝ այդ ժամանակաշրջանն օգտագործելով նաև ինքնակրթվելու համար։
Նախորդ տարվա դեկտեմբերին Սիրիայից Հայաստան են վերադարձել նաև մայրն ու քույրը։ Բալիկն ասում է՝ այսպես ավելի հանգիստ են։ Սիրիայից Հայաստանյ տեղափոխվելուց հետո ամենաանհանգիստ ժամանակաշրջանը եղել են պատերազմի օրերը։ Ասում է՝ 8 տարվա ապրածս ծանր օրերը կիկին վերապրեցի։
Մանրամասները՝ տեսանյութում։
Իրինա Մկրտչյան
Տեսանյութը պատրաստվել է Տեղահանված և տեղի բնակչության տնտեսական և սոցիալական մասնակցություն ծրագրի շրջանակում՝ Գերմանական միջազգային համագործակցության ընկերության (ԳՄՀԸ) աջակցությամբ ու Գերմանայի Տնտեսական համագործակցության և զարգացման պետական նախարարության, Վրաստանի Զավթված տարածքների, ներքին տեղահանվածների աշխատանքային, առողջապահական և սոցիալական հարցերով նախարարության և «Դոյչէ Վելլե» ակադեմիայի հետ համագործակցության շրջանակում։ ԳՄՀԸ-ն չի կրում որևէ պարտավորություն կամ պատասխանատվություն տվյալ նյութի հստակության, իրավունակության և վստահելիության հարցում։
