20.05.2024 | 23:30
Վերահաստատում ենք մեր խոր մտահոգությունը. Լրագրողական կազմակերպությունները՝ լրագրողների նկատմամբ ճնշումների առնչությամբ
ԵԽԽՎ նոր նախագահ է ընտրվել Միքելե Նիկոլետին
Քաղաքականություն
22.01.2018 | 18:49
Այսօր՝ հունվարի 22-ին, Եվրոպայի խորհրդի Խորհրդարանական վեհաժողովի (ԵԽԽՎ) նոր նախագահ է ընտրվել իտալացի խորհրդարանական Միքելե Նիկոլետին. փոխանցում է korrespondent.net-ը:
Նշվում է, որ Նիկոլետին առանց քվեարկության է ընտրվել, քանի որ անառարկելի թեկնածու էր:
«Քաղաքական խմբերի համաձայնությամբ՝ այս տարի այդ պաշտոնը պետք է զբաղեցներ սոցիալիստական կուսակցությունների ներկայացուցիչ, իսկ սոցիալիստներն առաջադրել են միայն նրա թեկնածությունը», – ասվում է հաղորդագրությունում:
ԵԽԽՎ նախագահը ընտրվում է մեկ տարի ժամկետով և կարող է վերընտրվել մեկ անգամ:
Հիշեցնենք, անցած տարվա հոկտեմբերին Պեդրո Ագրամունտի հրաժարականից հետո Վեհաժողովի ժամանակավոր նախագահ էր ընտրվել Կիպրոսի պատվիրակության ղեկավար Ստելլա Կիրիակիդեսը, ով այսօր լիազորությունները փոխանցել է Միքելե Նիկոլետիին:
