25.05.2026 | 14:44
Վանաձորում սպանության նախապատրաստման գործով քրեական հեղինակություն և ևս երկու անձ է կալանավորվել
Քանդել են բետոնապատ դամբարանն ու հողով ծածկել. հարազատները «Հաց բերողին» հողին են հանձնել․ News.am
31.05.2017 | 15:27
«Հաց բերող» անունով հայտնի Արթուր Սարգսյանին հողին են հանձնել: Այսօր NEWS.am-ի հետ զրույցում ասաց «Հաց բերողի» հարազատներից Էվելինա Ղամալյանը: Նա նշեց, որ քանդվել է բետոնապատ դամբարանը, որտեղ թաղված էր Արթուր Սարգսյանը և այն հողով է ծածկվել:
«Նրա եղբայրն ու մայրը գտնում էին, որ բետոնապատ դամբարանում թաղելը ճիշտ չէ և անպայման ուզում էին, որ հողով ծածկվի և որոշել ու հենց այդպես էլ արել են: Ներկա են եղել միայն հարազատները»,- ասաց նա:
Նշենք, որ Արթուր Սարգսյանին ցանկանում էին թաղել «Եռաբլուր» զինվորական պանթեոնում, սակայն, թույլտվություն չստանալուց հետո որոշում կայացվեց նրան հողին հանձնել Շահումյանի գերեզմանատանը՝ բետոնապատ փոսում՝ հետագայում «Եռաբլուր» տեղափոխելու նպատակով, որին դեմ էին նրա հարազատները:
Հիշեցնենք, որ «Սասնա ծռերին» օժանդակելու մեջ մեղադրվող Արթուր Սարգսյանը՝ «Հաց բերողը», մարտի 16-ին մահացել էր «Արմենիա» բժշկական կենտրոնում:
Շարունակությունը՝ սկզբնաղբյուր կայքում
