08.02.2026 | 22:09
Չեխիայի իշխանությունները ցանկանում են երեխաներին արգելել օգտվել սոցիալական ցանցերից
Ես չեմ հրաժարվի «ժեխ» բառն օգտագործելուց. Նաիրա Զոհրաբյան. ՏԵՍԱՆՅՈՒԹ
Քաղաքականություն
19.01.2021 | 14:10
Ես միանում է պարոն Ծառուկյանի գնահատականին: Այս մասին խորհրդարանում լրագորղների հետ զրույցում ասաց ԱԺ «Բարգավաճ Հայաստան» խմբակցության պատգամավոր Նաիրա Զոհրաբյանը՝ անդրադառնալով դիտարկմանը, որ Գագիկ Ծառուկյանը քննադատել է «Հայրենիքի փրկության շարժման» վարչապետի թեկնածու Վազգեն Մանուկյանի հնչեցրած « բոմժ» արտահայտությանը՝ մի շարք գյումրեցիների հասցեին, որոնք փակել էին նրա ճանապարհը:
«Ես, իհարկե, հասկանում եմ, որ երբեմն էմոցիաներն էնպես են խտանում և այնպիսի իրավիճակներ են ստեղծվում, որ չես կարողանում մնալ ադեկվատ լեքսիկոնի շրջանակում, բայց հասկանում եմ նաև, որ մենք քաղաքական գործիչներ ենք և ինչքան էլ սադրանքները լինեն անհանդուրժելի, պետք է չտրվենք սադրանքների»:
Անդրադառնալով հարցին, թե ինքն այլևս չի՞ օգտագործելու «Ժեխ» բառը, Զոհրաբյանն ասաց. «Ես չեմ հրաժարվի «ժեխ» բառն օգտագործելուց, իմ կոնտեքստն այլ է եղել, ես ասել եմ՝ բոլոր նրանք, ովքեր արդարացնում են դավաճանությունը, ովքեր ասում են, որ լավ է եղել, որ 5000 և ավելի երեխա է սպանվել, ժեխ են»:
Նաիրա Զոհրաբյանը վստահեցրեց, որ «Բարգավաճ Հայաստան» կուսակցության օրակարգն անփոփոխ է և Նիկոլ Փաշինյանը պետք է օր առաջ հեռանա. «Նա այլևս վտանգ է Հայաստանի ազգային անվտանգութանը, Նիկոլ Փաշինյանն ինչքան շուտ դա հասկանա, այնքան շուտ մենք հնարավորություն կունենանք ուղղելու մեր ողնաշարը և զբաղվելու խնդիրներով, որովհետև ինքը չի կարող լինել ադեկվատ բանակցող»:
Անդրադառնալով հարցին, թե հնարավո՞ր է լինեն Գագիկ Ծառուկյան-Նիկոլ Փաշինյան ձևաչափով այլ հանդիպումներ, Զոհրաբյանն ասաց, որ Գագիկ Ծառուկյանն այն քաղաքական գործիչն է, որը ժողովրդի թիկունքում որևէ թաքուն հանդիպում անելու անգամ մոտիվացիա չունի, և նրա բոլոր հանդիպումները եղել են և կլինեն հրապարակային:
Մանրամասները՝ տեսանյութում:
