11.03.2026 | 12:20
Թեհրանում հայկական թաղամասին հարված է հասցվել // Ադրբեջանով ցորեն է գալիս ՀՀ․ ԼՈՒՐԵՐ
«Նուբարաշեն» ՔԿՀ-ում կալանավորին այցի եկածների մոտից թմրանյութ են առգրավել
Հասարակություն
18.01.2018 | 20:20
Հունվարի 11-ին` ժամը 14:30-ին, «Նուբարաշեն» քրեակատարողական հիմնարկի աշխատակիցները, օպերատիվ տվյալներն իրացնելով, կալանավորված անձ Ա. Ն.-ին քաղաքացի Կ. Մ.-ի կողմից բերված հանձնուքի միջից հայտնաբերել և առգրավել են կասկածելի զանգվածով լցված ծխախոտի 4 տուփ:
Հունվարի 15-ին` ժամը 12:40-ին, ՀՀ ԱՆ «Նուբարաշեն» քրեակատարողական հիմնարկի աշխատակիցները, օպերատիվ տվյալներն իրացնելով, դատապարտյալ Վ. Վ.-ին տեսակցության եկած քաղաքացուհի Գ. Դ.-ի մոտից անձնական խուզարկությամբ հայտնաբերել և առգրավել են պոլիէթիլենային թափանցիկ տոպրակով փաթեթավորված սպիտակ փոշենման զանգված` ընդհանուրը 25.2 գրամ քաշով:
Հունվարի 16-ին` ժամը 13:00-ին, ՀՀ ԱՆ «Կոշ» քրեակատարողական հիմնարկի դատապարտյալ Վ. Գ.-ին ՔԿՀ աշխատակիցները օրենքով սահմանված կարգով եղբոր հուղարկավորությանը մասնակցելու նպատակով կարճատև մեկնումից հիմնարկ վերադառնալուց հետո ենթարկել են անձնական խուզարկության: Վերջինիս մոտից հայտնաբերել և առգրավել են 2.2 գրամ կանաչավուն զանգված, 0.3 գրամ «B8» գրառմամբ դեղահաբ և 0.7 գրամ «Մետանֆիտամին» գրառմամբ դեղահաբեր:
Հայտնաբերվածներն ուղարկվել են դատաքիմիական փորձաքննության:
Կատարվում է հետաքննություն:
