ՌԴ խաղաղապահ զորախումբը համաձայն իր առջև դրված խնդիրների՝ շարունակում է իրականացնել Լեռնային Ղարաբաղում ռազմական գործողությունների դադարեցման վերաբերյալ պայմանավորվածությունները, հայտնում է Լեռնային Ղարաբաղում Ռուսաստանի խաղաղապահ զորախմբի պետի տեղակալ, գնդապետ Պերեպելկինը։
Վերջինս հայտնել է, որ Կարմիր խաչի միջազգային կոմիտեի ներկայացուցիչների հետ միասին շարունակվում է զոհվածների մարմինների փոխանակումը հայկական և ադրբեջանական կողմերի միջև, ինչպես նաև անհետ կորածների որոնումները: Այս աշխատանքի արդյունավետությունը բարձրացնելու համար որոնման խմբերի քանակը ավելացել է՝ երեքից դառնալով հինգ:
Ռուսաստանի խաղաղապահ զորակազմի շտաբում տեղակայված անհետ կորած զինծառայողների և քաղաքացիական անձանց վերաբերյալ տվյալների հավաքագրման թեժ գծին ստացվել է ավելի քան 490 հեռախոսազանգ:
Ռուսաստանի խաղաղապահ զորախմբի հրամանատար, գեներալ-լեյտենանտ Մուրադովի կողմից դեկտեմբերի 14-ին ձեռք բերված պայմանավորվածություններին համապատասխան ՝ Բաքու քաղաքում տեղի է ունեցել գերիների փոխանակում ՝ «բոլորը բոլորի դիմաց» սկզբունքով:
Վերջինս տեղեկացրել է, որ ավարտվել է Մարտակերտում երկրորդ ռազմական հիվանդանոցի տեղակայման աշխատանքները, որը սկսում է բժշկական աջակցություն ցուցաբերել ռուս խաղաղապահներին և հարակից բնակավայրերի բնակիչներին: Բացի այդ, տեղի բնակիչներին բուժօգնություն են ցուցաբերում ռազմական բժիշկների շարժական խմբերը: Ընդհանուր առմամբ, բուժօգնություն է ստացել 558 մարդ, այդ թվում ՝ 67 երեխա:
Դեկտեմբերի 16-ի դրությամբ ապահովվել է ավելի քան 40 հազար փախստականների անվտանգ վերադարձը Լեռնային Ղարաբաղ: Խաղաղապահների օգնությամբ ամբողջովին վերականգնվել է էլեկտրամատակարարման համակարգը: Իրականացվել է 18 կմ երկարությամբ էլեկտրահաղորդման գծերի և 50 հենարանների նորոգման աշխատանքներ: Վերականգնվել է էլեկտրաէներգիայի անխափան մատակարարումը 24 բնակավայրեր, որոնց ընդհանուր բնակչությունը կազմում է ավելի քան 12 հազար մարդ:
Մարդասիրական ականազերծման կենտրոնի ռուս սակրավորները չպայթած ականներից և արկերից մաքրել են 195 հա տարածք և 60 կիլոմետր ճանապարհ:
Ենթակառուցվածքների վերակառուցումը և տարածաշրջանում խաղաղության պահպանումը կշարունակվի նախատեսվածի համաձայն:
Տաթև Ֆռանգյան
