08.10.2026 | 13:16
Թրամփը հայտարարել է, որ Իրանի հետ պատերազմը կավարտվի «շատ շուտով»
Սա հանրային պահա՞նջ է, թե՝ ոչ․ Նաիրա Զոհրաբյանը թվեց, թե ովքեր են պահանջել Փաշինյանի հրաժարականը. ՏԵՍԱՆՅՈՒԹ
Քաղաքականություն
08.12.2020 | 17:02
«Նիկոլ Փաշինյանը հայտարարում է, որ իր հրաժարականի հանրային պահանջ չկա։ Հիմա եկեք փորձենք հասկանալ: Այս մասին խորհրդարանական հայտարարությունների ժամին ասաց ԱԺ «Բարգավաճ Հայաստան» խմբակցության պատգամավոր Նաիրա Զոհրաբյանը:
«Նիկոլ Փաշինյանի հրաժարականը պահանջում են խորհրդարանում ներկայացված երկու քաղաքական ուժեր, Նիկոլ Փաշինյանի հրաժարականը պահանջում են Հայաստանի արտախորհրդարանական բոլոր քաղաքական ուժերը, պահանջել է հանրապետության նախագահը։ Այսօր պահանջել են Ամենայն հայոց կաթողիկոսը և Արամ Առաջինը և հորդորով դիմել են Նիկոլ Փաշինյանի խոհեմությանը՝ կոչ անելով տալ հրաժարական։ Նիկոլ Փաշինյանի՝ օր առաջ հրաժարականի պահանջով հանդես է եկել ԳԱԱ-ն՝ իր ողջ գիտական խորհրդով, հանդես են եկել ԵՊՀ-ն, մտավորականության, ՀԿ-ների բազմաթիվ ներկայացուցիչներ։ Ամեն օր Նիկոլ Փաշինյանի հրաժարականի պահանջով հանրապետությունում տեղի են ունենում բողոքի աննախադեպ ակցիաներ։ Հենց այս պահին հանրապետության տարբեր բնակավայրերում, նաև Երևանում բողոքի, անհնազանդության ակցիաներ են տեղի ունենում Նիկոլ Փաշինյանի հրաժարականի պահանջով։ Եվ, բնականաբար, այդ պահանջին միանում են տասյակ հազարավոր և հարյուր հազարավոր հայրենակիցներ, որոնց մի մասը գուցե հրապարակում չեն, որովհետև կա Covid-ով պայմանավորված ճգնաժամային իրավիճակ»,- նշեց Զոհրաբյանը՝ հավելելով, որ հրաժարականի պահանջին միանում են այն ծնողները, ովքեր կորցրել են իրենց զավակներին և հասկանալի պատճառներով այսօրվա ակցիաներին չեն մասնակցում։
«Հիմա հարցս ուղղում եմ հանրապետության վարչապետին և ակնկալում եմ պատասխան՝ սա հանրային պահա՞նջ է, թե՞ ոչ»,- ընդգծեց Զոհրաբյանը։
Մանրամասները՝ տեսանյութում:
