20.12.2025 | 20:00
100,000 ռուբլի՝ ՀՀ-ում լրտեսության համար․ ՌԴ քաղաքացիները Հայաստանում տվյալներ են հավաքել․ ՏԵՍԱՆՅՈՒԹ
ՀանրաԴիտակ. Անպատժելիության հետևանքները․ Ճվճվ Արոյի որդիների հանցագործությունների ողջ հավաքածուն
Հասարակություն
10.01.2018 | 19:33
Երևանում տեղի ունեցած վերջին ավտովթարը, որը դարձավ երկու երիտասարդ ոստիկանների մահվան պատճառ, կրկին վեր հանեց Հայաստանում որոշ արտոնյալների անպատժելիության և ընտրովի արդարադատության խնդիրը։ Չնայած ոստիկանապետ Վլադիմիր Գասպարյանը պարբերաբար հավաստիացնում է, թե արտոնյալներ չեն լինելու, սակայն ինչպես նախկինում Սուրիկ Խաչատրյանի, Վարդան Ղուկասյանի և այլ պաշտոնյաների որդիներն ու հարազատները, այնպես էլ Ճվճվ Արո մականվամբ հայտնի Արա Վարդանյանի որդիները բազմիցս խուսափել են պատժից, կամ երկու տասնյակի հասնող հանցագործությունների համար ստացել միայն պայմանական պատիժներ։
Հայտարարվեց նաև, որ վարչապետը հեռախոսազրույց է ունեցել Հայաստանի քննչական կոմիտեի ղեկավար կազմի հետ՝ տալով խիստ հանձնարարական, որպեսզի Սարգիս Վարդանյանն իր կատարած արարքի համար օրենքի ողջ խստությամբ պատաասխանատվության ենթարկվի։
Ստացվում է, որ պաշտոնյաների, գործարարների հարազատներն անպատժելի են, եթե անգամ վրաերթի են ենթարկում միանգամից տասը հոգու, կամ գողություն ու խուլիգանություն անում, սակայն օրենքի ողջ խստությունը կկիրառվի միայն, երբ նրանց սանձարձակությունը հասնում է համակարգին, հարվածում է ու վնասում իրենց:
Նախկինում Factor.am֊ը մանրամասն անդրադարձել էր պաշտոնյաների հարազատների հանցագործություններին և ակհայտ է, որ վերջին դեպքը անպատժելիության շղթայի անխուսափելի հետևանքն էր։
«ՀանրաԴիտակը» ամբողջացրել է երիտասարդների քրեական սխրագործություններով հարուստ կենսագրությունը, ողջ հավաքածուն՝ տեսանյութում։
Գոհար Աբրահամյան
