07.06.2026 | 21:50
Վճռաբեկ դատարանի որոշման հետևանքով քաղաքացիներն այսօր քաշքշուկի մեջ են եղել՝ ընտրելու իրենց իրավունքն իրացնելու համար
Երգող տղայի պատերազմը չի ավարտվել. պարտության լուրից 16 օր հետո կրկին որոշել է երգել զինվորի համար․ ՏԵՍԱՆՅՈՒԹ
Հասարակություն
25.11.2020 | 18:30
Նարեկ Մարկոսյանը 13 տարեկան է, մասնակցել է երաժշտական տարբեր մրցույթների։ Պատերազմի օրերին ինչ-որ բանով հայրենիքին օգտակար լինելու համար որոշել էր զենք դարձնել իր երգը։
Նարեկի հետ հանդիպեցինք նոյեմբերի 9-ի երեկոյան։ Արդեն 7-րդ օրն էր նվագում մարդաշատ վայրերում, որ կարողանար գումար հավաքել՝ «Հայաստան» համահայկական հիմնադրամին փոխանցելու համար։ 6 օրերի ընթացքում հավաքվածն արդեն փոխանցել էր՝ 443․000 դրամ։
Երգացանկում միայն հայրենիքի մասին, հայրենասիրական երգեր էին, մի մասը նոր էր սովորել։
Նոյեմբերի 9-ին Նարեկը հիմնադրամի համար կարողացավ հավաքել նախորդ օրերից ավելի շատ գումար։ Չնայած ձեռքերը սառել էին, բայց այդ օրը սովորականից ավելի երկար է նվագել։ Նոյեմբերի 9-ից, սակայն, մինչև նոյեմբերի 25-ը Նարեկը չերգեց ու չնվագեց։
Բայց այսօր և այսօրվանից որոշել է կրկին երգը դարձնել զենք, իսկ երգացանկը նույնն է, չի փոխվել նաև նպատակը։
Մանրամասները՝ տեսանյութում։
Իրինա Մկրտչյան
