15.10.2026 | 16:55
Բրյուսելը սպասում է Զելենսկիին․ մեկնարկեց Եվրոպական խորհրդի գագաթնաժողովը․ ԼՈՒՍԱՆԿԱՐՆԵՐ
«Ծառուկյան» դաշինքից 3 պատգամավորի լիազորություն դադարեցվել է
Քաղաքականություն
29.05.2017 | 18:28
«Ծառուկյան» դաշինքի 3 պատգամավորի լիազորություն դադարեցվել է՝ իրենց դիմումների համաձայն։ Այս մասին Factor.am-ին հայտնեց Ազգային ժողովի հասարակայնության և տեղեկատվության միջոցների հետ կապերի վարչության պետ Արսեն Բաբայանը:
Հիշեցնենք, որ մայիսի 19-ին ԱԺ նախագահ Արա Բաբլոյանը խորհրդարանում հայտարարել էր, որ «Ծառուկյան» դաշինքից երեք պատգամավոր ինքնաբացարկի դիմում է ներկայացրել: Մանդատից հրաժարված պատգամավորներն են՝ Խաչիկ Մանուկյանը, Հարություն Ղարագյոզյանը և Արտյոմ Ծառուկյանը:
Նշենք, որ ԱԺ կանոնակարգ օրենքի 155-րդ հոդվածի 2-րդ կետի համաձայն, եթե պատգամավորը հետ չի վերցնում հրաժարականի մասին իր դիմումը, ապա նրա լիազորությունների դադարման մասին կազմվում է արձանագրություն, որն ստորագրում և հրապարակում է Ազգային ժողովի նախագահը: Արձանագրության հրապարակման պահից հրաժարականը համարվում է ընդունված:
