07.08.2026 | 23:37
Անձրև, ամպրոպ և ջերմաստիճանի նվազում. առաջիկա օրերի եղանակի կանխատեսումը
«Էրդողանը մյուս ղեկավարներից տարբերվում է նրանով, որ նա խաբեբա է». Դուբայի ոստիկանապետ
Քաղաքականություն
26.12.2017 | 16:16
Արաբական Միացյալ Էմիրությունների (ԱՄԷ) Դուբայ քաղաքի ոստիկանապետ Շեֆի Դհահի Քհալֆանը Էրդողանին խաբեբա է անվանել: Այդ մասին նա արաբ պաշտոնյան գրել է իր «Twitter»-ի էջում. փոխանցում է EH-ն:
Ըստ թուրքական «Gazetemanifesto» թերթի կայքի՝ նա մասնավորապես նշել է. «Էրդողանը մյուս ղեկավարներից տարբերվում է նրանով, որ նա խաբեբա է»:
Թուրքական աղբյուրը նշում է, որ կարճ ժամանակ անց արաբ ոստիկանապետի գրառմամբ կիսվել են «Twitter»-ի մոտ 1000 օգտատերեր:
Նշենք, որ ԱՄԷ-ի Թուրքիայի հարաբերություններն այժմ լարված են: Լարվածությունն առաջացել է այն բանից հետո, երբ ԱՄԷ-ի արտաքին գործերի նախարար Աբդուլլահ Բին Զայեդը սկանդալային գրառում էր կատարել Էրդողանի մասին: Դրանում մասնավորապես նշված է եղել.
«Երբ 1916թ. թուրք Ֆահրի փաշան ներխուժեց Մադինա, նա թալանեց ժողովրդի ունեցվածքը, առևանգեց շատերին ու Մադինեից բազմաթիվ ձեռագրեր գողացավ։ Այդ գողության մասին գիտե՞իք։ Ահա, սա է Էրդողանի պապերի ու մահմեդական արաբների հարաբերությունները»։
