18.11.2024 | 19:42
Ադրբեջանում բանտարկված ընդդիմադիր կին լրագրողները ֆիզիկական բռնության են ենթարկվել
Գերության մեջ մահացած Միշա Մելքումյանի մահը վրա է հասել գլխուղեղի տրավմայի հետևանքով. Ռաֆայել Վարդանյան
05.11.2020 | 18:50
«Դատաբժշկական փորձագետի նախանական եզրակացության համաձայն՝ Ադրբեջանում գերության մեջ մահացած հայազգի 84-ամյա Միշա Մելքումյանի մահը վրա է հասել գլխուղեղի տրավմայի հետեւանքով, այսինքն՝ առկա է բռնի մահ»- այս մասին այսօր ասաց Քննչական կոմիտեի քրեագիտության վարչության պետ Ռաֆայել Վարդանյանը։
«Նշանակվել է դատաբժշական փորձաքննություն, և դրա շրջանակում իրականացված հետազոտությունների արդյունքում է փորձագետը եկել նման եզրահանգման, բայց փորձաքննության վերջնական պատասխանը դեռևս չի ստացվել»,- ասաց նա։
Հիշեցնենք, որ հոկտեմբերի 29-ին հայկական կողմին են փոխանցվել զոհված 29 հայ զինծառայողների մարմինները եւ արտահանձնվել մեկ քաղաքացիական անձ։
Կարմիր խաչի միջազգային կոմիտեն հայտնել էր, որ քաղաքացիական երկրորդ անձի` 84-ամյա Միշա Մելքումյանի ճամփորդությունն այդ պահի դրությամբ բժշկական առումով հակացուցված էր։ Հաջորդ օրը պարզվեց, որ Մելքումյանը մահացել է։
