16.12.2025 | 15:36
Ճամբարակի համայնքապետին պատկանող ինքնակամ շինությունը պետք է քանդվի․ Դատախազությունը միջնորդագիր է ուղարկել
Ավելի կոշտ պետք է լինել, միայն ջնջելով չի․ Անդրանիկ Քոչարյանը՝ Արթուր Ղազինյանի գրառման մասին. ՏԵՍԱՆՅՈՒԹ
Հասարակություն
02.11.2020 | 16:23
«Ռազմական դրության հետ կապված խայտառակ հրապարակումները շարունակվում են՝ հաշվի չառնելով սահմանային իրավիճակը: Առավոտյան երբ տեսա, թե ինչ խայտառակ գրառում էր արել քաղաքական հարթակում իրեն ընդդիմություն հայտարարած Արթուր Ղազինյանը… դա խայտառակություն էր: Դրանք անդրադառնում են մեր գոյամարտը կերտող անձնակազմի վրա: Ակնկալում եմ, որ ոստիկանությունը և ուժային կառույցներն ավելի կոշտ արձագանքեն նման դրսևորումներին»,- ԱԺ պաշտպանության և անվտանգության հարցերի հանձնաժողովում այսօր «ՀՀ 2021թ.-ի պետական բյուջեի մասին» ՀՀ օրենքի նախագծի քննարկման ժամանակ ասաց «Իմ քայլը» խմբակցության պատգամավոր Անդրանիկ Քոչարյանը:
«Միայն գրառումը ջնջելով չի: Նման մարդիկ պետք է հասկանան՝ անգամ եթե մեկ րոպեով են նման նյութեր դնում, դրանք տարածվում են, և հակառակորդին ոգեշնչող գրառումներ են տարածվում: Արթուր Ղազինյանը գրել է՝ կորցրել ենք հսկայական տարածքներ… Այդ ի՞նչ հսկայական տարածքներ է պարոն Ղազինյանը տնօրինում: Ժամանակին, երբ նման հրապարակումներ էին լինում, սպարապետ Վազգեն Սարգսյանը դա անողին ասում էր՝ գնա Օմարի բարձունք և տես, որ մենք այնտեղ ենք: Եվ ով խոսում է նման բաների մասին, պետք է տանել անտեղ, որ տեղից անեն այդ գրառումները: Ոստիկանությունն ու ԱԱԾ-ն ավելի կոշտ պետք է արձագանքեն սրան: Գրում են, անում իրենց «մունդռիկությունը», հետո գրառումը հանում: Նման խայտառակ իրողության մեջ ենք առավոտից իրիկուն: Զինվորը հերոսապատում է անում, իսկ այստեղ նստած որոշ խմբեր բանակին հեղաշրջման կոչերով են դիմում: Այդպես չպետք է լինի: Նման մարդիկ պետք է զգան պատասխանատվության ծանրությունը»,- ասաց Քոչարյանը:
Մանրամասները՝ տեսանյութում:
