18.11.2024 | 20:22
Ամերիկացի սենատորները Բաքվում հայտարարել են, որ սատարում են Հայաստանին և պաշտպանում հայերի՝ ԼՂ վերադառնալու իրավունքը
Արմենակյանի սպանությունն առեղծված է, ստահակների ձեռքով գլխատվեցին պետական գործիչներ. Արմենակյանի այրի. ՏԵՍԱՆՅՈՒԹ
Հասարակություն
27.10.2020 | 12:51
«Այսօր դեռևս առեղծված է Արմենակ Արմենակյանի սպանության վարկածը: Այս մասին լրագրողների հետ զրույցում ասաց 1999թ. հոկտեմբերի 27-ի դաժան ոճրագործության զոհ դարձած Արմենակ Արմենակյանի այրին:
«Արմենակ Արմենակյանը, լինելով միջանցքում` չէր կարող հանգիստ նստել՝ լսելով կրակոցները, ինքը այնտեղ չի եղել: Իրական վարկածներ կան, որ ինքը եղել է ճաշարանում, ես չգիտեմ` ինչպես է եղել: Բացի այդ 5 հոգուց, եղել են նաև այլ մարդիկ, որոնք կարողացել են…Ասում են՝ ինքը տեսել է: Արմենակ Արմենակյանը վրեժխնդիր կլիներ, կարելի է ասել, միգուցե ծրագրի մեջ չի եղել, վախից են սպանել»,-նշեց Արմենակյանի այրին:
Նա նաև ասաց, որ դիմել են կառավարությանը, որ վերաբացվի Հոկտեմբերի 27-ի գործը: «Կոնկրետ ես գիտեմ, որ Հոկտեմբերի 27-ը եղել է, տեղի է ունեցել, բայց ինչպես է հայտնվել այդքան զենք-զինամթերք, ինչպես են կարողացել անարգել մտնել: Այդ ամենը առեղծված է և նույնիսկ Արմենակ Արմենակյանի սպանությունը մինչ այսօր առեղծված է: Մարդասպանները միգուցե և կենդանի են, որովհետև կոնկրետ Արմենակ Արմենակյանի պահով բոլորը հերքեցին, ասացին՝ ես չեմ սպանել»,- նշեց Արմինե Արմենակյանը:
Մանրամասները՝ տեսանյութում:
