25.02.2026 | 21:42
Ադրբեջանի կառավարական աղբյուրները պնդում են, թե Վաշինգտոնում Ալիևի դեմ բողոքի ցույցերի հետևում կանգնած է Ռուսաստանը
Մեր հարազատներն այլևս հետ չեն գալու, իսկ ԵՄ-ն լուռ է ու համր. արցախցի կին. ՏԵՍԱՆՅՈՒԹ
Հասարակություն
26.10.2020 | 11:33
«Մի՛ լռեք», «stop թուրքին». վանկարկում են արցախցի կանայք ու երեխաները, որոնք բողոքի ակցիա են իրականացնում ՀՀ-ում Եվրոպական միության գրասենյակի դիմաց։
Ակցիայի մասնակիցնեը պահանջում են, որ պատժամիջոցներ կիրառեն Թուրքիայի և Ադրբեջանի նկատմամբ, հավասարության նշան չդնեն այն ամենի նկատմամբ, ինչ կատարվում է Արցախում, որպեսզի չխախտվի արցախցիների ապրելու իրավունքը:
Ակցիայի մասնակիցները ցանկանում են նամակ փոխանցել Եվրոպական միության պատվիրակության ղեկավար Անդրեա Վիկտորինին:
Բողոքի ակցիայի նախաձեռնող խմբի անդամ Լիանա Ադամյանը, կոչով դիմելով Հայաստանում Եվրամիության դեսպան Անդրեա Վիկտորինին, ասաց. «Դուք այսօր հանգիստ քնել եք, Ձեր տաք անկյունում, եվրոպական բարձր արժեքների գրկում, իսկ մեզանից ոչ ոք աչք չի փակել՝ սպասելով հրադադարի, որն այս պահին թշնամու կողմից խախտվում է: Մենք մեկ ամիս չենք քնում, կորցրել ենք տուն, բնակավայրեր, և որ ամենաանդառնալին է՝ մեր որդիներին, եղբայրներին, ամուսիններին, երեխաներին, մեր տարեցներին:
Այսօր անդամահատում են մեր ձեռքը, մեր ոտքը և արյունահոսող մարմնով մեզ ասում՝ նստեք բանակցային սեղան՝ ձեր դահիճների հետ: Մենք կեղծ բանակցային օրակարգ չենք ընդունում և Եվրոպական միությունից պահանջում են, որ Արցախի հարցը չդիտարկի տարածքային ամբողջականության սկզբունքի ներքո, տարիներով մեզ ցեղասպանել են և նույնը կրկնվում է այսօր: Ինչո՞ւ եք լռում, ձեր լռությունը հանցավոր մասնակցություն է»:
Ակցիայի մասնակիցները նշում են, որ չեն լռելու մինչև իրենց ձայնը տեղ չհասնի և Հայաստանի ու Արցախի սահմաններին խաղաղություն չլինի:
Մանրամասները՝ տեսանյութում:
