01.04.2026 | 23:17
ԵՄ առաքելության գործունեությունը կարևոր է Հայաստանի քաղաքացիների համար. ՀՀ նախագահն ընդունել է Սատու Կոյվուին
ԵՄ-ն չեղարկել է Բեռլինում կայանալիք գագաթնաժողովը
Քաղաքականություն
16.10.2020 | 17:58
Եվրամիությունում որոշել են չեղարկել նոյեմբեր ամսին Բեռլինում կայանալիք ԵՄ գագաթնաժողովը, այս մասին այսօր հայտնել է Գերմանիայի կանցլեր Անգելա Մերկելը, գրում է «Ինտերֆաքսը»։
«Կապերի սահմանափակման անհրաժեշտության առումով, կարծում եմ, որ սա այժմ անհրաժեշտ ազդակ է»,- այս մասին Բրյուսելում լրագրողներին ասել է Մերկելը։
Վերջին օրերին Գերմանիայում աճում է նոր տիպի կորոնավիրուսային հիվանդությամբ վարակվածների թիվը, ուրբաթ օրը Ռոբերտ Կոխի անվան գերմանական ինստիտուտը գրանցել է ռեկորդային՝ 7 334 վարակման նոր դեպք։
Գերմանիայի առողջապահության նախարարության ներկայացուցիչներն ու ինստիտուտի մասնագետները զգուշացնում են, որ եղանակի փոփոխության ու սեզոնային գրիպի հետ կապված հիվանդության ցուցանիշները գնալով միայն կաճեն։
Տաթև Ֆռանգյան
