09.10.2026 | 10:30
Ալիևը հույս է հայտնել, որ Թրամփը Նոբելյան մրցանակի կարժանանա Հայաստանի ու Ադրբեջանի միջև խաղաղություն հաստատելու ջանքերի համար
Այսօր 19 փրկված զինծառայող ունեցանք. ամեն ինչ անում ենք, որ ծնողներն արագ տեղեկացվեն զավակների մասին. ՏԵՍԱՆՅՈՒԹ
Հասարակություն
07.10.2020 | 23:12
ՀՀ ՊՆ ներկայացուցիչ Արծրուն Հովհաննիսյանն այսօր հրավիրված ասուլիսում ներողություն խնդրեց բոլոր զինծառայողների ծնողներից որոշ անճշտությունների և սխալմունքների համար:
«ՊՆ-ն, Արցախի իշխանությունն ամեն ինչ անում են, որ ամեն օր պարզաբանված և հնարավորինս ցուցական տվյալներ լինեն: Պատերազմ է, արհավիրք է, որը շատ է դժվարացնում հստակությունը, նման տվյալները ճիշտ, ժամանակին և անսխալական հասցնել: Լինում են նաև այդ առումով սխալներ: Դրա համար հաճախ չենք շտապում: Հասկանալի է՝ շատ տեղերում հեռախոսակապ չկա, դժվար է հստակեցում մտցնել, ակտիվ մարտական գործողությունների ընթացքում հրամանատարը չի էլ հասցնում միանգամից իր կորուստներն ամփոփել: Ամեն րոպե իր գլխին արկեր են ընկնում, և ինքը խնդիր է կատարում: Սա այլ պատերազմ է, նման չէ ո՛չ 1994-ին, ո՛չ ապրիլյան պատերազմին: Դրա համար ըմբռնումով մոտեցեք, ներողություն ենք խնդրում, մենք գլուխ ենք խոնարհում մեր բոլոր կորուստների առաջ: Ամեն օր մեծ խմբեր են այս ուղղությամբ աշխատում՝ թե՛ մահացածների, թե՛ անհետ կորածների, թե՛ անունների, որ ուղղակի այդ մարդիկ մարտական գործողությունների մեջ են: Այսօր ունեցանք 19 զինծառայողներ, ճիշտ է՝ կորուստների մեջ իրենք չկային, բայց մեզ համար իրենք անհետ կորած էին և հայտնվեցին: Չկա պատերազմ, որի ժամանակ չի եղել նման բան: Ամեն ինչ անում ենք, որ հնարավորինս արագ դուք ինֆորմացվեք»,- ասաց Հովհաննիսյանը:
Մանրամասները՝ տեսանյութում։
