06.11.2026 | 19:30
Ո՞վ առաջինը հարվածեց, ովքե՞ր էին բաժանում․ ԱԺ-ի ծեծկռտուքը՝ վայրկյան առ վայրկյան․ ՏԵՍԱՆՅՈՒԹ
Հայաստանը 40 մլրդ դրամով ավելացնում է ռազմական ծախսերը․ ԱԺ-ն ընդունեց նախագիծը
Քաղաքականություն
07.10.2020 | 17:25
Այսօր Ազգային ժողովը երկրորդ ընթերցմամբ և ամբողջությամբ ընդունեց «Հայաստանի Հանրապետության 2020 թվականի պետական բյուջեի մասին» օրենքում փոփոխություններ և լրացում կատարելու մասին նախագիծը, որով 40 մլրդ դրամով կավելացվեն բյուջեի ռազմական ծախսերը։
Նախագծին կողմ քվեարկեցին 89, դեմ՝ 0, ձեռնպահ՝ 0 պատգամավորներ։
Ըստ նախագծի՝ պետական բյուջեում փոփոխությունները պայմանավորված են հայտարարված ռազմական դրության ընթացքում Ադրբեջանի Հանրապետության զինված ուժերի ձեռնարկած գործողությունների արդյունքում Հայաստանի Հանրապետության վրա զինված հարձակման անմիջական վտանգը կանխելու, Հայաստանի Հանրապետության ինքնիշխանությունը, անվտանգությունը, տարածքային ամբողջականությունն ապահովելու նպատակներով: Կանխատեսվում է, որ ռազմական դրության բացասական ազդեցության հետևանքով 2020 թվականին սպասվում է 6.8% տնտեսական անկում, և 2020 թվականի պետական բյուջեի հարկային եկամուտները կկազմեն շուրջ 1,320.5 մլրդ դրամ:
