02.11.2024 | 12:19
ՀՀ ոստիկանությունը քաղաքական պատվեր է կատարում․ Հ․ Ավետիսյանը ուղերձով դիմեց Ոստիկանությանը և ԱՄՆ դեսպանին․ ՏԵՍԱՆՅՈՒԹ
Քաղաքացիներն ահազանգում են, որ չնայած առողջական վիճակի դրական տեղաշարժ չի արձանագրվել, սակայն հաշմանդամ չեն ճանաչվում. ՀՔԱ
Հասարակություն
26.05.2017 | 12:15
Վերջին շրջանում հաշմանդամություն ունեցող անձինք տարբեր հարթակներում ահազանգում են, որ նրանց մի մասը բժշկասոցիալական հերթական փորձաքննության արդյունքում հաշմանդամ չի ճանաչվել, մյուսներն էլ ստացել են ավելի ցածր կարգ:
Ինչպես հայտնում է ՀՔԱ Վանաձորի գրասենյակը, համանման ահազանգեր ստացվել են նաև իրենց գրասենյակում: Քաղաքացիները պնդում են, որ առողջական վիճակի դրական տեղաշարժ իրենց մոտ չի արձանագրվել, բայց առանց պատշաճ հիմնավորման՝ հաշմանդամության կարգը փոփոխվել է, կամ առհասարակ հաշմանդամ չեն ճանաչվել:
Կազմակերպության աջակցությամբ քաղաքացիները պատրաստվում են իրենց վերաբերյալ ԲՍՓՀ որոշումներն ստանալուն պես դրանք բողոքարկել վերադասության և դատական կարգով:
Վերջին փորձաքննության արդյունքում հաշմանդամ չճանաչված Ս. Գ.-ն ՀՔԱ Վանաձորի գրասենյակի աջակցությամբ վերադասության կարգով բողոքարկել է ԲՍՓՀ որոշումը: Բողոքը հիմնավորվել է նրանով, որ 2015 թ.-ից հաշմանդամության երրորդ կարգ ունեցող Ս. Գ.-ն սրտի հետ կապված խնդիրներ ունի, ինչի արդյունքում պարբերաբար բժշկական օգնության կարիք է զգում, հոսպիտալացվում:
