12.10.2026 | 21:29
Թեհրանն անվտանգության համաձայնագիր է առաջարկում․ Ալիևն ընդունել է Իրանի ներքին գործերի նախարարին
Ադրբեջանի Գյանջա քաղաքում խուճապ է
Քաղաքականություն
04.10.2020 | 12:12
Արցախի նախագահի խոսնակ Վահրամ Պողոսյանն այսօր իր ֆեյսբուքյան գրառմամբ տեղեկացրեց, որ Գյանջայի ռազմական օդանավակայանը ոչնչացվել է։
Համացանցի ադրբեջանական տիրույթում Գյանջայից բազմաթիվ տեսանյութեր ու լուսանկարներ են հրապարակվում, որոնք ցույց են տալիս, որ տեղի բնակչությունը խուճապի մեջ է։ Տեղեկություններ են հաղորդվում, որ քաղաքին լուրջ վնաս է հասցվել, տարբեր վայրերում խոշոր հրդեհներ են բռնկվել։
Հիշեցնենք, ավելի վաղ Արցախի նախագահը հայտարարել էր, որ այս ամենի ամբողջ պատասխանատվությունը կրում է Ադրբեջանի ռազմաքաղաքական ղեկավարությունը.
«Չնայած բազմաթիվ նախազգուշացումներին՝ Ադրբեջանի ահաբեկչական բանակը շարունակում է թիրախավորել Ստեփանակերտի խաղաղ բնակչությանը՝ օգտագործելով «Պոլոնեզ» և «Սմերչ» համակարգեր:
Ադրբեջանի խոշոր քաղաքներում մշտական տեղակայված զինվորական օբյեկտները այսուհետ դարձան պաշտպանության բանակի թիրախները: Ադրբեջանի բնակչությանը կոչ եմ անում արագ լքել այդ քաղաքները՝ հնարավոր կորուստներից խուսափելու համար»:
Էմմա Չոբանյան
