09.12.2025 | 23:31
Եվրոպական հանձնաժողովը հետաքննություն է սկսել Google-ի դեմ
«Դրսից մեզ օգնել են, որ բանակից բան չգողնանք». Սեյրան Սարոյանը՝ Հայկազ Բաղմանյանի մասին
Հասարակություն
13.12.2017 | 12:29
Հանրապետական խմբակցության պատգամավոր, գեներալ Սեյրան Սարոյանի խոսքով՝ Զինված ուժերի գլխավոր շտաբի պետի արդեն նախկին տեղակալ Հայկազ Բաղմանյանը վաղուց ցանկություն էր հայտնել պաշտոնը թողնելու: Գեներալն այս մասին հայտարարեց այսօր խորհրդարանում լրագրողների հետ զրույցում՝ անդրադառնալով Բաղմանյանի պաշտոնանկությանը:
«Դաժը ես եմ իրան ասել են ժամանակ դուրս արի», – նշեց Սարոյանը պնդելով, որ Հայկազ Բաղմանյանը միշտ լավ է ծառայել։
Գեներալի կարծիքով՝ գեներալ-լեյտենանտ Հայկազ Բաղմանյանի պաշտոնանկությունը հավանաբար կապված է նախարարությունը նոր կադրերով համալրելու հետ:
«Հիմա Բաղմանյան Հայկազի վրա ցեխ շպրտենք ու պրծանք վերջ։ Մի քանի անգամ էլ կարող ա հրաման չի կատարել կամ թերացել ա», – ասաց ՀՀԿ-ական պատգամավորը՝ վրդովվելով լրագրողների այն հարցերից, որոնք առնչվում էին Բաղմանյանի կողմից հնարավոր չարաշահումների հետ:
Նկատենք նաև, որ Սեյրան Սարոյանը ուշագրավ հայտարարություն արեց՝ շեշտելով, որ Հայաստանից դուրս գտնվող իրենց ընկերները օգնել են իրենց, որպեսզի բանակից գողանալու առիթ չլինի:
Հիշեցնենք, որ օրեր առաջ նախագահ Սերժ Սարգսյանը ստորագրեց Հայկազ Բաղմանյանի ազատման հրամանը: Ավելի վաղ Պաշտպանության նախարար Վիգեն Սարգսյանը նշել էր՝ Զինված ուժերի գլխավոր շտաբի պետի տեղակալ Հայկազ Բաղմանյանին ինքն է հորդորել զորացրման զեկուցագիր ներկայացրել:
Մանրամասները՝ տեսանյութում:
