19.04.2026 | 23:45
Գետերում նկատվում է ջրի մակարդակի բարձրացում. ՆԳՆ ՓԾ-ն անցել է ուժեղացված ծառայության
Ի՞նչ է ենթադրում ՄԻԵԴ-ի միջանկյալ միջոցը․ ներկայացնում է Եղիշե Կիրակոսյանը. ՏԵՍԱՆՅՈՒԹ
Քաղաքականություն
30.09.2020 | 13:03
ՄԻԵԴ-ի կողմից կիրառվող միջանկյալ միջոցը, այսինքն՝ 39-րդ կանոնի հիման վրա կիրառվող միջոցը ժամանակավոր և հրատապ միջոց է, որը դատարանը կիրառում է, երբ անդառնալի հետևանքների վտանգներ կան։ Այս մասին լրագրողների հետ ճեպազրույցում ասաց ՄԻԵԴ-ում ՀՀ ներկայացուցիչ Եղիշե Կիրակոսյանը։
«Այսինքն՝ կան ռեալ վտանգներ Մարդու իրավունքների կոնվենցիայի հոդվածների խախտումների, որոնք անդառնալի են։ Խոսքն առաջին հերթին վերաբերում է մարդու կյանքի իրավունքին, խոշտանգումներին»,- պարզաբանեց նա:
Հիշեցնենք՝ ՄԻԵԴ-ը միջանկյալ միջոց կիրառելու վերաբերյալ որոշում է կայացրել Հայաստանի դիմումի մասով: ՄԻԵԴ-ը կոչ է արել Ադրբեջանին և Հյաաստանին՝ ձեռնպահ մնալ այնպիսի միջոցների գործադրումից, որոնք կարող են առաջացնել քաղաքացիական բնակչության իրավունքների`Կոնվենցիայով նախատեսված խախտումներ: Սա նշանակում է, որ առաջիկայում Հայաստանը և Ադրբեջանը պետք է տեղեկություն ներկայացնեն ՄԻԵԴ նշված խախտումների կանխման ուղղությամբ ձեռնարկված միջոցների մասին:
Մանրամասները՝ տեսանյութում:
