17.02.2026 | 12:55
Ուկրաինան հայտնում է ՌԴ-ի կողմից զանգվածային հարձակման մասին. շուրջ 400 ԱԹՍ և հրթիռ է խոցվել
«Մեծ յոթնյակը» կսառեցնի աղքատ երկրների արտաքին պարտքը
Տնտեսություն
25.09.2020 | 12:23
«Մեծ յոթնյակի» (G7) անդամ երկրները, ամենայն հավանականությամբ, այսօր հանդես կգան կորոնավիրուսի համաճարակի պայմաններում աղքատ երկրների պարտքը թեթևացնելու ծրագիրը երկարացնելու վերաբերյալ հայտարարությամբ, գրում է Reuters-ը։
«Մեծ յոթնյակի» երկրների խորհրդաժողովը տեղի է ունենալու հեռավար։ Պետությունների ներկայացուցիչները կքննարկեն գլոբալ տնտեսական խնդիրներ՝ կապված կորոնավիրուսի շարունակական ազդեցությամբ։
Քննարկումների ժամանակ կբարձրացվի այն աղքատ երկրների հարցը, որոնց պարտքը մինչ համաճարակը ևս մեծ է եղել։
Հավելենք, որ ապրիլին G20-ը աշխարհի աղքատ երկրներին իրավունք տվեց մինչև ընթացիկ տարվա ավարտը սառեցնել արտաքին պարտքի վճարումները, այդ թվում՝ դրանց սպասարկման վճարներ։ Այս որոշման արդյունքում առաջացած 20 միլիարդ դոլարը պետք է ուղղվեր համաճարակի դեմ պայքարին։
