25.05.2026 | 00:01
Մայիսի 25-ի վաղ առավոտյան ՀՀ ԶՈւ ավիացիան Երևանի կենտրոնում կատարելու է թռիչք․ ՊՆ
Երուսաղեմում ԱՄՆ ապագա դեսպանության շինարարության վայրում տեխնիկա է բերվել
Քաղաքականություն
11.12.2017 | 11:27
Իսրայելի «Կազարմ Ալենբի» կոչվող տարածքը, որի 3.1 հեկտարը Սպիտակ տունը վարձակալում է խորհրդանշական գումարով՝ տարեկան 1 դոլարով, 28 տարի դատարկ է եղել ու ծածկվել խոտով։ Այժմ ԱՄՆ ապագա դեսպանության այդ վայրում շինտեխնիկա է հայտնվել. փոխանցում է fdlx.com-ը:
Հողակտորը, որտեղ սկսվում է դեսպանատան կառուցումը, ԱՄՆ-ին էր տրամադրվել դեռևս 1989թ.-ին։
Նախօրեին ՄԱԿ-ում ԱՄՆ մշտական ներկայացուցիչ Նիկի Հեյլին մեկնաբանել է ԱՄՆ՝ Երուսաղեմը Իսրայելի մայրաքաղաք ճանաչելու որոշումը՝ նշելով. «Մեր դեսպանատները տեղակայելու հարցում մենք իրավունք ունենք անելու այն, ինչ ուզում ենք»:
Հիշեցնենք, որ դեկտեմբերի 6-ին ԱՄՆ նախագահ Դոնալդ Թարմփը հայտարարել էր Երուսաղեմը՝ որպես Իսրայելի մայրաքաղաք ճանաչելու իր որոշման մասին:
«Ես որոշեցի, որ հիմա է Երուսաղեմը՝ որպես Իսրայելի մայրաքաղաք պաշտոնապես ճանաչելու ժամանակը»,- ասել էր ամերիկացի առաջնորդը:
