06.11.2026 | 19:02
Հայ սամբիստներն արծաթե ու բրոնզե մեդալներ են նվաճել աշխարհի առաջնությունում
ՆԱՏՕ-ի կենտրոնակայանում Միջերկրածովյան խնդրով Թուրքիա-Հունաստան չորրորդ հանդիպումն է կայացել
Քաղաքականություն
17.09.2020 | 21:19
Բրյուսելում ՆԱՏՕ-ի կենտրոնակայանում ավարտվել է Թուրքիայի և Հունաստանի զինվորական պատվիրակությունների չորրորդ հանդիպումը։ Նրանք քննարկել են Միջերկրական ծովում լարվածության թուլացման ուղիները։ Այս մասին հայտնել են Թուրքիայի Ազգային պաշտպանության նախարարությունից, գրում է «Անադոլու» գործակալությունը։
Աղբյուրի փոխանցմամբ՝ մյուս հանդիպումը ծրագրվում է անցկացնել հաջորդ շաբաթ։
Նշվում է, որ բանակցություններն աշխատանքային բնույթ ունեն և ուղղված են զինված ուժերի «անջատման միջոցառումների» համաձայնեցմանը՝ Միջերկրական ծովի արևելյան հատվածում միջադեպեր թույլ չտալու համար։
Անկարայի և Աթենքի միջև բանակցություններ սկսելու որոշումն ընդունվել է ՆԱՏՕ-ի գլխավոր քարտուղար Յենս Ստոլտենբերգի և Թուրքիայի նախագահ Ռեջեփ Թայիփ Էրդողանի հեռախոսազրույցի արդյունքում։
