21.02.2026 | 12:21
Լեզվի ու մշակույթի միջոցով է մարդը ձևավորվում որպես անհատականություն․ նախարարի ուղերձը
Հարմարվեք այն իրականության հետ, որ մենք այսուհետ ունենալու ենք աշխարհազոր․ պատգամավոր. ՏԵՍԱՆՅՈՒԹ
Քաղաքականություն
11.09.2020 | 12:44
Երբ խոսում ենք խաղաղության մասին, դա չի նշանակում, որ զենքերը վայր պիտի դնենք և ոչինչ չանենք: Այս մասին այսօր «Հայկական աշխարհազոր. պաշտպանություն, անվտանգություն և մարդու իրավունքներ» թեմայով քննարկմանն ասաց ԱԺ «Իմ քայլը» խմբակցության պատգամավոր Սոֆյա Հովսեփյանը:
«Մենք չպետք է մոռանանք, որ պատերազմող երկիր ենք և ունենք մի թշնամի, որը հաշվի չի առնում ոչ մի արժեք և հարգանք չունի իր հարևան պետության նկատմամբ: Խաղաղությունը նվիրելով կամ մուրալով չէ, այլ խաղաղությունը պարտադրելով է: Մենք պետք է կարողանանք այնքան մարտունակ լինել, որ հակառակորդը հասկանա՝ ոչ թե պետք է պատերազմի, այլ հարմարվի իրականության հետ»,- ասաց նա։
Պատգամավորը նաև ընդգծեց, որ թիկունքն ամրացնելով նույնպես խաղաղություն է պարտադրվում:
«Պետք է կարողանանք մեր ինքնապաշտպանությունը գրագետ կերպով կազմակերպել և մեր թշնամի պետությանը ցույց տալ, որ ստիպված է հարմարվել մեր կողմից թելադրվող խաղաղության հետ: Իսկ այս պարագայում ամենաճիշտ լուծումներից մեկը մարտունակ թիկունք ունենալն է։ Եթե աշխարհազորի մասին նախագծի վերաբերյալ դրական առաջարկներ կան, որոնք կնպաստեն օրենքի ընդունմանը և ճիշտ կիրառմանը, ներկայացրեք, իսկ եթե միայն քննադատություններ են, կխնդրեմ՝ հարմարվեք այն իրականության հետ, որ այսուհետ ունենալու ենք աշխարհազոր»,- ասաց Սոֆյա Հովսեփյանը:
Մանրամասները՝ տեսանյութում:
