Մշակույթ
25.05.2017 | 12:39
Ս. թ. մայիսի 25-ին` ժամը 14:30-ին, Ավ. Իսահակյանի տուն-թանգարանում /հասցե՝ ք. Երևան, Զարոբյան 20/ տեղի կունենա «Համբարձման տոնին» նվիրված միջոցառում. տեղեկացնում է ՀՀ մշակույթի նախարարությունը։
Այս տարի թանգարանն իր գործունեության ծրագրում անդրադառնում է նաև ազգային, ժողովրդական և եկեղեցական տոներին:
Ազգային տոներին անդրադառնալը շատ մեծ իմաստ ու խորհուրդ ունի՝ կամրջել սերունդները, տանել դեպի իրենց ակունքները, երիտասարդներին փոխանցել, սովորեցնել, դաստիարակել՝ ազգային, հոգևոր մշակույթի և պատմության բարձր արժեքներով:
Տոնի գունեղությունը, իմաստն ու խորհուրդը համապատասխան երգերով կապահովի «Վան» ազգագրական համույթը: Գեղարվեստական ղեկավար՝ Անդրանիկ Հովհաննիսյան, գլխավոր խորհրդատու՝ Հարություն Փանոսյան:
