09.10.2026 | 11:13
ՈՒԵՖԱ-ի անդամ բոլոր երկրները միացել են ՖԻՖԱ-ում բարեփոխումների կոչին՝ բացառությամբ Ադրբեջանի
Ի՞նչ չափանիշով եք ընտրել տուժողներին․ նրանց, ովքեր Մարտի 1-ի մեղքը բարդելու են Քոչարյանի վրա՞․ Հայկ Ալումյան. ՏԵՍԱՆՅՈՒԹ
Հասարակություն
09.09.2020 | 13:06
Ռոբերտ Քոչարյանի փաստաբան Հայկ Ալումյանն առաջարկել էր, որ տուժողի իրավահաջորդները, նրանց ներկայացուցիչները սահմանադրական կարգի տապալման գործով հանդես գան վկայի կարգավիճակով: Այսօր հրավիրված ասուլիսում անդրադառնալով այդ միջնորդության վերաբերյալ դատախազության հնչեցրած առարկություններին, որոնց համաձայն՝ ՀՔԾ-ում քննվող գործով տուժողի դատավարական կարգավիճակ ունեցող անձինք կարգավիճակը պահպանում են նաև առանձնացված մասով, Ալումյանը նկատեց՝ այդ դեպքում ինչո՞ւ են 268 տուժողից ընդամենը 102 հոգու առանձնացրել ու այդ գործում նրանց ներգրավել, որո՞նք են այդ ընտրության չափանիշները։
«Միգուցե դուք ընտրության հիմք եք ընդունել այն փաստը, որ այդ մարդիկ պատրաստ են Մարտի 1-ի իրադարձությունների ամբողջ մեղքը բարդել պարոն Ռոբերտ Քոչարյանի վրա՞։ Միգուցե դա՞ է ձեր չափանիշը։ Եթե ոչ, ապա բացատրեք, թե ո՞րն է ձեր չափանիշը։ Ինչո՞ւ 268 անձանցից դուք 102-ին եք ընդգրկել դատական նիստին կանչման ենթակա անձանց ցուցակում, իսկ 126-ին չեք ընդգրկել։ Միգուցե այն մարդկանց մարմնական վնասվածքները տարբերվում են այդ անձանց մարմնական վնասվածքներից։ Նայում ենք փորձագիտական եզրակացությունները, տեսնում ենք՝ տարբերություն չկա։ Չափանիշը ո՞րն է»,- ասաց պաշտպանը՝ հավելելով, որ դատարանը հանդես է գալիս մեղադրանքի կողմում:
Մանրամասները՝ տեսանյութում:
