19.04.2026 | 23:45
Գետերում նկատվում է ջրի մակարդակի բարձրացում. ՆԳՆ ՓԾ-ն անցել է ուժեղացված ծառայության
Շախմատի հավակնորդների մրցաշարը կվերսկսվի նոյեմբերին
08.09.2020 | 21:27
Շախմատի աշխարհի չեմպիոնի հավակնորդների մրցաշարը կվերսկսցի նոյեմբերին. այս մասին հայտնում է ՖԻԴԵ-ի մամուլի ծառայությունը: Կորոնավիրուսի պանդեմիայի պատճառով դադարեցված մրցախաղը կվերսկսվի նոյեմբերի 1-ին: Մրցաշարի հնարավոր անցկացման վայր ընտրվել է Թբիլիսին:
Ավելի վաղ` մարտի 26-ին, Շախմատի հավակնորդների մրցաշարը դադարեցվեց: Հավակնորդների մրցաշարն անցկացվում էր Ռուսաստանի Եկատերինբուրգ քաղաքում: Այն դադարեցվեց կորոնավիրուսի պանդեմիայի պատճառով:
Մրցաշարում անցկացվել է 7 տուր: Մրցաշարային աղյուսակում երկիշխանություն է: Յան Նեպոմնյաշչին և Մաքսիմ Վաշիե-Լագրավն ունեն 4,5-ական միավոր: Մրցաշարին մասնակցում է 8 շախմատիստ՝ Ֆաբիանո Կարուանան, Դին Լիժենը, Անիշ Գիրին, Ալեքսանդր Գրիշչուկը, Յան Նեպոմնյաշչին, Կիրիլ Ալեքսեենկոն, Վան Հաոն և Մաքսիմ Վաշիե-Լագրավը: Կորոնավիրուսային իրավիճակից ելնելով՝ մրցաշարի մասնակցությունից հրաժարվել է աշխարհի գավաթակիր Թեյմուր Ռաջաբովը, որը ՖԻԴԵ-ին խնդրել էր հետաձգել մրցաշարը: Նրա փոխարեն մրցաշարում ընդգրկվել է Վաշիե-Լագրավը:
