25.05.2026 | 16:36
Կրիստիան Կիվու․ «Մխիթարյանը շատ կարևոր ֆուտբոլիստ է»
Ազատամարտիկ Վոլոդյա Ավետիսյանն ազատ արձակվեց
25.05.2017 | 11:47
Ազատամարտիկ Վոլոդյա Ավետիսյանը «Վարդաշեն» ՔԿՀ-ից քիչ առաջ ազատ արձակվեց:
Նրան դիմավորելու էին եկել մարտական ընկերներն ու հարազատները:
Հիշեցնենք, որ Վոլոդյա Ավետիսյանը ձերբակալվել էր խարդախության մեղադրանքով և մեղավոր էր ճանաչվել ՀՀ քրեական օրենսգրքի 178 հոդվածի 2-րդ մասի 2-րդ և 5-րդ կետերով և ՀՀ քրեական օրենսգրքի 34-178 հոդվածի 2-րդ մասի 5-րդ կետերով:
Ազատամարտիկը ազատազրկվել էր 6 տարի ժամկետով ու նրա նկատմամբ նշանակված պատժի սկիզբը հաշվվում էր 2013 թվականի սեպտեմբերի 20-ը:
Նշենք նաև, որ պայմանական վաղաժամկետ ազատ արձակման անկախ հանձնաժողովը 6 անգամ մերժել էր Վոլոդյա Ավետիսյանի դիմումը՝ վաղաժամկետ ազատ արձակվելու մասին:
Ինչպես տեղեկացնում է News.am-ը՝ ազատամարտիկը նշել է, որ շարունակելու է իր պայքարը անարդարության դեմ և ՔԿՀ-ից անմիջապես գնալու է Հանրապետության հրապարակ ու նստացույց է սկսելու՝ պահանջելով, որ Հայաստանում գործի վաղաժամկետ պայմանական ազատման ինստիտուտը։
