09.10.2026 | 10:30
Ալիևը հույս է հայտնել, որ Թրամփը Նոբելյան մրցանակի կարժանանա Հայաստանի ու Ադրբեջանի միջև խաղաղություն հաստատելու ջանքերի համար
Ո՞ր պահից ՀՀ քաղաքացին դարձավ տուգանքի մատերիալ. Կարեն Սիմոնյան. ՏԵՍԱՆՅՈՒԹ
Հասարակություն
04.09.2020 | 11:58
ԱԺ «Լուսավոր Հայաստան» խմբակցության պատգամավոր Կարեն Սիմոնյանի խոսքով՝ Կառավարության նոր օրենսդրական փաթեթով նախատեսվում է 11 նոր տուգանքների ներմուծում։ Այս մասին նա ասաց այսօր Ազգային ժողովի արտահերթ նիստում ունեցած ելույթում։
«Սա նշանակում է, որ 11 արարքի պատճառով մարդիկ հնարավոր է տուգանվեն։ Այստեղից առաջանում է մի քանի հռետորական հարց․ ո՞ր պահից ՀՀ քաղաքացին դարձավ տուգանքի մատերիալ, և երկրորդ՝ ո՞ր պահից սկսած մենք որոշեցինք, որ գնում ենք ոչ թե հասարակության իրավագիտակցության բարձրացման, համագործակցող հասարակություն ունենալու ճանապարհով, այլ զուտ տուգանքներով սահմանափակելով»,- նշեց պատգամավորը։
Նա հավելեց, որ եթե տուգանքի չափ է նշվում, գոնե պետք է սահմանվի, թե որ արարքի համար ինչքան է տուգանքը, ինչը, ըստ պատգամավորի, ներկայացված փաստաթղթում առկա չէ։
Հիշեցնենք, որ ԱԺ-ն այսօր քննարկում է Կառավարության ներկայացրած օրենսդրական փաթեթը, որի ընդունումը հնարավորություն կտա այլևս չերկարաձգել Հայաստանում հայտարարված արտակարգ դրությունը:
Մանրամասները՝ տեսանյութում։
