Մշակույթ
06.12.2017 | 14:39«Քոչարի ավանդական խմբապարը քիչ առաջ ընդգրկվեց ՅՈՒՆԵՍԿՕ-ի՝ մարդկության ոչ նյութական մշակութային ժառանգության ցանկում: Քոչարին ձևավորում է համերաշխության զգացում, նպաստում է պատմական, մշակութային և էթնիկ հիշողությունների շարունակականությանը: Այն փոխանցվում է սերնդե սերունդ և հանդիսանում է հազվագյուտ ավանդական պարերից մեկը, որոնց փոխանցման շղթան երբեք չի ընդհատվել: Պարի այդ ձևը 2004 թվականից ներառվել է Հայաստանում հանրակրթական դպրոցների ուսումնական ծրագրերում «ժողովրդական երգ ու պար» դասընթացների շրջանակում, երիտասարդական արվեստի կենտրոնների կրթական ծրագրերում»,- ասված է հայտարարությունում:
