07.12.2025 | 21:40
Վարդենյաց լեռնանցքում ձյուն է տեղում. Դիլիջանի, Սպիտակի ոլորաններում մառախուղ է
ԱԺ ՀՀԿ խմբակցության ներսում վեճ՝ հանուն «նոր ոգու». «Ժամանակ»
06.12.2017 | 09:34
«Ժամանակ» թերթը գրում է.
«Երեկ ԱԺ «Ելք» խմբակցության պատգամավոր Նիկոլ Փաշինյանի հարցը ԱԺ ՀՀԿ-ական խմբակցության ներսում միջկուսակցական վեճի պատճառ է դարձել:
Փաշինյանը ԱԺ նիստի սկզբում վարման կարգի վերաբերյալ ելույթ ունենալու իրավունք խնդրեց նիստը վարող ԱԺ փոխնախագահ Արփինե Հովհաննիսյանից և հայտարարեց, որ ՀՔԾ-ին ուղղված իր դիմումը շարունակում է մնալ անպատասխան:
Երբ Փաշինյանը ձևակերպում էր հարցը, դահլիճում նստած ՀՀԿ խմբակցության ղեկավար Վահրամ Բաղդասարյանը և ԱԺ տնտեսական հարցերի հանձնաժողովի նախագահ Խոսրով Հարությունյանը պահանջում էին, որ Հովհաննիսյանը Նիկոլ Փաշինյանի խոսափողը անջատելու հրահանգ տա: Սակայն Արփինե Հովհաննիսյանը թույլ տվեց, որ Փաշինյանն ավարտի իր ելույթը, և հայտարարեց, որ ինքն է որոշում վարման կարգը:
Նշենք, որ Արփինե Հովհաննիսյանը, այսպես կոչված, Կարապետյանական թևի ներկայացուցիչ է, ովքեր համարում են, որ Կարեն Կարապետյանը պետք է շարունակի մնալ վարչապետ, և իշխանության ներսում պետք է տեղի ունենա սերնդափոխություն»:
Առավել մանրամասն՝ թերթի այսօրվա համարում:
